Me Edi Ramën kryeministër, FRPD: Ti Shqipëri s’më jep nder, më jep emrin mërgimtar!

Ndërkohë që seancën plenare të Parlamentit të Shqipërisë, Edi Rama e zhvillon me “opozitën e tij” në formim e sipër, para Parlamentit, të rinjtë e Forumit Rinor të Partisë Demokratike, FRPD, vazhduan edhe sot me protesta e tyre kreative duke i renditur pasojat e keqqeverisjes përkundër ndihmës që po i jep “Opozita e Edi Ramës”.

Të rinjtë mbanin në duar nga një palë këpucë, të atyre të rinjve që janë larguar nga Shqipëria dhe i vuan në radhë para Parlamentit ose më saktë policisë së Ish-Gjeneral Sandër Lleshajt e cila u karikua mirë për të përdorur dhunë dhe gaz lotsjellës për FRPD-në e cila zhvilloi këtë protestë të paparalajmëruar ndonëse paqësore.

Ishin 200 këpucë me flamujt e vendeve të BE, ku kanëe emigruar të rinjtë shqiptarë, duke ikur nga varfëria dhe pasiguria e krijuar në vend, që e shoqëronin këtë revoltë të të rinjëve ndja fajtorit të vetëm për këtë gjendje, kryeministrit Edi Rama:

“Ti Shqipëri s’më jep nder, më jep emrin mërgimtar!”

Ndërsa Opozita e Bashkuar, ashtu siç kishte paralajmëruar do të protestoj kundër Parlamentit të krimit deri në largimin e Edi Ramës në orën 18:00 duke bllokuar akset kryesore në vend, atë që lidhë Veriun me Tiranën ku protesta do të zhvillohet në Milot, Jugun me kryeqytetin me protestën në Sheq të Fierit, zonën e Juglindjes duke bllokuar rreth rrotullimin në Bradashesh të Elbasanait si dhe protesën në Tiranë, duke bllokuar rreth rrotullimin tek Sheshi Shqiponja