Me Escobarin, Abazoviç: Qeveria e re do të punoj edhe më shumë në luftimin e agresionit rus

I mandatuari për formimin e qeverisë së 43-të të Malit të Zi, Dritan Abazoviç, tha se nëse formohet qeveria e re do të marrë disa vendime që do të ofrojnë mbështetje më të madhe për aleatët me qëllim luftimin e agresion rus. Kështu u tha nga Qeveria e Malit Zi pas takimit që Dritan Abazoviç zhvilloi me të Dërguarin e Posaçëm të SHBA për Ballkanin Perëndimor, Gabriel Escobar.

“Mali i Zi është i gatshëm që të shtoj sanksionet në mënyrë që të dakordohet deri në fund me politikën e BE. Do vëzhgojmë situatën me oligarkët rus dhe do të marrim masat në përputhje me ligjin nëse ata vijnë në Mal të Zi. Me qëllim të ruajtjes së stabilitetit dhe sigurisë së përgjithshme në vend, zbatojmë aktivitetet me qëllim të luftimit të ndikimeve malinje në Mal të Zi, që më parë ka rezultuar me dëbimin e një diplomati rus nga Ministria e Punëve të Jashtme. Përveç ndihmës humanitare dhe financiare, nuk do të mungoj as ndihma me pajisjet ushtarake, sapo të përfundojnë procedurat në Mal të Zi,” tha Abazoviç.

Gabriel Escobar tha nga ana e tij se Mali i Zi mund të llogaritë në ndihmën e Shteteve të Bashkuara ndërsa ra dakord me Abazoviçin se për momentin është e një rëndësie të veçantë që vendet e Ballkanit Perëndimor që të tregojnë vendosmëri në ruajtjen e vlerave të civilizimit dhe të ngelin të bashkuar me aleatët e BE dhe NATO.

Në takimin e të mandatuarit për Kryeministër të ri të Malit të Zi, Dritan Abazoviç me të dërguarin e Posaçëm të SHBA për Ballkanin Perëndimor, Gabriel Escobar ishte e pranishme edhe amabasadorka amerikane në Podgoricë, Judy Rising Reinke.