onlyfuckvideos.net classy slut goo covered. xxx247.club xxxfamousvideos.com

Me familjen, kombin dhe Zotin, Edit Harxhi: Në 12 Maj, Edi Rama do të largohet, Shqipëria është e qytetarëve!

Qytetarët e Tiranës e njohin si mbesa e Qazim Baronit, diplomatët perëndimorë, ushtarakët dhe operatorët turistik shqiptarë si njërën ndër faktorët kryesore që anëtarësoi Shqipërinë në NATO, të rinjtë, të përndjekurit politik dhe pronarët të cilëve u është plaçkitur prona si diplomaten më meritore për liberalizimin e vizave, ata në hapësirën shqiptare për angazhimin më serioz diplomatik në shpalljen e Pavarësisë së Kosovës, ndërsa demokratët shqiptarë si qëndrestaren e rrallë nga Themelimi i Partisë Demokratike deri në Rithemelimin e PD.

Po, fjala është për Edit Harxhin, një zonjë e lindur dhe rritur mes jush në Kryeqytet, aty ku të parët e saj janë autoktonë, sot, kandidate për deputete në Tiranë e koalicionit të PD dhe Aleancës për Shqipërinë Madhështore.

Studimet i ka përfunduar në Universitetin e Ediburgut në Britani të Madhe, ka  shërbyer në shërbimin diplomatik shqiptar, Zv/Ministre e Jashtme e Shqipërisë dhe pjesë e rindërtimit të Kosovës së pasluftës.

Me besim në traditën shqiptare dhe krenare thotë se shtyllat e saj janë familja, kombi dhe Zoti.

Shqipërinë Madhështore e sheh me rikthimin tek familja, ndaljen e shpopullimit, lirinë e individit, tregun e lirë dhe shenjtërinë e pronës private.

Për të arritur këto, ajo është e qartë dhe lufton për dinjitetin njerëzor, sigurinë arsimore dhe shëndetësore, sigurinë juridike dhe barazinë para ligjit.

Është e ndërgjegjshme se aspekti njerëzor, politik, edukativ e shëndetësor u rrënuan për 80 vjet nga po kjo kastë komuniste, por, nuk e pranon me asnjë çmim se duhet të dorëzohemi sepse Edi Rama nuk na lënë vend askund! 

Në një intervistë ekskluzive për “Pa Frikë”, Edit Harxhi e pranon se të jesh qëndrestarë është e vështirë, por qëndrestarë të vërtetë janë banorët e Tiranës që i bënë ballë një qeverie që keqtrajtoi çdo aspekt njerëzor, dhe përulet para tyre për qëndresën që bëjnë në vendin ku shqiptarët vazhdojnë dhe shpërngulen çdo ditë.

Në fund, e qartë si gjithmonë, kandidatja për deputete në Tiranë e Partisë Demokratike, për Shqipërinë Madhështore vjen me kushtrimin:

Në 12 maj, Edi Rama dhe klika e tij duhet të largohen, Shqipëria është e qytetarëve.

Nga Themelimi në Rithemelim

Në një vend të sunduar nga krimi, të varfër, të braktisur, për herë të dytë Ju shfaqeni për të rrëzuar diktaturën komuniste tashmë si kandidate për deputete duke kërkuar rikthimin e vlera konservatore! A ka një shpjegim kjo këmbëngulje juaj kur shqiptarët sot mbajnë sytë nga qielli sikur kur nuk i  lejojnë të flasin ashtu dhe kur vriten si kavje?

Po, ka, edukimi, familja, arsyeja pse ekzistoj, për kombin duke besuar në Zot! Ky është thelbi i luftës sime si në Dhjetorin e vitit 1990, më 8 Janar ashtu edhe sot kur diktaturën komuniste që është instaluar duhet ta shporrim një orë e më parë!

Por, ka edhe shqiptarë të tjerë që nuk mbajnë sytë nga qielli, PD vazhdon të ketë shumë  qëndrestarë  që i qëndrojnë përballë këtij krimineli që drejton vendin edhe pasi i largoi nga puna, pasi i la pa arsimimin e fëmijëve, pa shëndetësi, pa ndihmë sociale dhe së fundi u fut në partinë që kishin themeluar, për të mos i lënë të organizohen në rrëzimin e këtij pushteti që u ngrit vetëm mbi mashtrime.

Sepse janë po ata ose trashëgimtarët e tyre që në vitin 1990 i thanë diktaturës, Jo! Dhe, janë po këta demokratë që i thanë Bashës, Jo, ndonëse ai i kishte thënë Edi Ramës, Po!

“Gjithçka në jetë ke bërë kot nëse nuk e ke vënë familjen në radhë të parë” është ta themi një mantra që është dëgjuar shumë shpesh ndër familjet tradicionale shqiptare, por, ka shkuar duke u zbehur në veçanti me ndikimin e zengjinëve të ri pasi ata tradicional janë zhdukur, janë plaçkitur nga regjimi! A ka një mënyrë, një forcë që mund ta rikthejë ndër shqiptarë mendësinë e familjes, që ishte prezentë kohë më parë?

Po! Një mantra, hmmn… nuk më kishte shkuar ndër mend, po, familja është diçka e shenjtë, sanskrit, që shqiptarët e besojnë se ka fuqi shpirtërore dhe e besonin edhe ata zengjinët para se të plaçkiteshin nga komunistët!

Deri më sot, forca e vetme ndër shqiptarë që e mbante familjen ishte shpresa, tani jemi në një fazë të re, jetësimin e kësaj shprese duke pasur parasysh edhe këtë zengjinin e ri, që thoni ju, që mund të ketë mbushur xhepat për 35 vjet, por ai nuk e kishte dhe nuk e ka idenë se çfarë është familja sepse në radhë të parë e ka Partinë.

Shembull kemi Edi Ramën, si piktor, si pedagog, si kryebashkiak dhe si kryeministër, familja nuk ka zënë vend asgjëkundi tek jeta e tij. Ose dhe këta që i quajnë oligarkët e tij, si në stadium ashtu dhe në dasmë ata janë vetëm. Për Teatër nuk po flasim, as që e njohin.

Do ti kthejmë dinjitetin prindit, edukatorit, mësuesit dhe mjekut dhe do të krijojmë një familje të shëndoshë, jo me Prindin 1 dhe Prindin 2, kopshte private ku thuhet se flasin anglisht dhe nuk dinë as shqip, mësues që ju duhen truproje dhe mjek të cilët normë kanë check upin!

Do ti kthejmë dinjitetin edhe pronarit të plaçkitur që sot komunistët i katandisën në ish-pronar. Jo, ata nuk janë ish-pronar, por pronar të plaçkitur!

Dhe, të përndjekurve politik, që vazhdimisht u flitet për dëmshpërblim dhe nuk ju janë krijuar kushtet as minimale për të jetuar të paktën si persekutorët e tyre, me lartësinë e pensioneve të të cilëve rritet edhe niveli i normës mesatare të pensionit në qytetin ku jetojnë!

Kur jemi te dinjiteti, meqë ju jeni me prejardhje nga dy prindër tirons, si do të kthehet dinjiteti i kësaj race të fisme shqiptare që për kaq vite u përçmua dhe sundua nga llumi komunist dhe nuk e uli kokën?

Detyrimi është i madh, ashtu siç e thash në fillim të kësaj interviste, nga themelimi deri në rithemelimin e PD, ishin qytetarët e Tiranës që na kuptuan se me kë dhe si po luftojmë. I kishim në krah sepse nuk e donin dhe nuk e duan komunizmin, as të etërve të këtyre që janë në pushtet as vetë këta aktual!

I kishim në krah edhe në çadër dhe ishin të parët që e nuhatën tradhtinë!

I kishim në krah edhe më 8 Janar sepse ishin të qartë se kjo ishte lojë e Edi Ramës!

Sot, me qytetarët e Tiranës vetëm duhet të jemi të sinqertë dhe besojmë se do t’ia dalim ta pastrojmë këtë qytet nga llumi, dhe të mos na ndodhë që të krijohet ideja sikur kryeqyteti shqiptar më shumë e preferon një mjek të njohur shqiptar se sa një rrugaç anonim të Edi Ramës!

Jo, Tirana është kryeqytet shqiptarë dhe do jetë shembull i artit dhe kulturës kombëtare dhe jo korrupsionit! Tirana sipas kësaj Reforme të fundit është dhe kryeqytet i Drejtësisë por në asnjë mënyrë nuk duhet të drejtohet nga kriminelët, ku ne po shohim sot kush po merr vendime gjyqësore dhe leje ndërtimi! Tirana është qytet universitar dhe duhet të rrezatoj mençuri dhe jo patronazhizëm! Tirana u la edhe pa Teatër, por kjo nuk la ndonjë mbresë tek tironsit që e kanë shumë të qartë pse komunistët e urrejnë artin, ashtu siç e “mirëkuptonin” Edi Ramën kur për herë të parë iu vërsul Teatrit Kombëtar për ta shembur!

Në fund, ishin po këta qytetarë që komunistët u morën pronën, u dhanë atyre horrave që pushtuan edhe Radio Tiranën, dhe sot me gjyqe pa fund luftojnë për të kthyer pronat e të parëve.

Konservatorizmi që promovojmë është gjendje e caktuar shpirtërore, mënyrë e të menduarit për njeriun dhe shoqërinë, e përqendruar në ruajtjen e rendit politik, shoqëror dhe ekonomik, dhe rasti më tipik është Tirana. Aty ku lartësimi konservativ i sigurisë së pronës rrjedh nga legalizmi, tradita dhe autoriteti.

Të qëndrojmë edhe pak tek ky dinjitet i nëpërkëmbur. Është një shqetësim qyetar për fshatarët që shesin  majdanoz në këtë Tiranën turistike të Edi Ramës dhe tërhiqen zvarrë nga Policia Bashkiake?

Po, falemnderit për pyetjen, lidhur me këtë shqetësim më është kërkuar ndihmë në disa fshatra.

Është absurde që në vend se të flasim për subvencionet, sistemin e vaditjes dhe kushtet që ata i kanë të nevojshme për rritjen e prodhimtarisë në bujqësi, bujqit e fshatrave të Tiranës primare e kanë që të mos dhunohen, dhe kanë plotësisht të drejt kur thonë se ata që kultivojnë drogë bëhen shefat e këtyre policëve që i tërheqin zvarrë.

Unë premtoj se do angazhohem për dinjitetin e çdo qytetari në veçanti të këtyre njerëzve që vijnë, shesin ato perime që kanë kultivuar dhe nuk i kërkojnë shtetit asgjë, dhe, shkojnë në punën e tyre. Ti përndjekësh këta njerëz sapo ata të zbresin nga autobusi, pse shesin majdanoz e spinaq, 2-3 bidona qumësht, kjo nuk do të tolerohet në shtetin e së drejtës që do të rikthehet pas 11 Majit. Për këtë dikush duhet të jap përgjegjësi, në veçanti ata që paguhen për një kryeqytet më të rregullt. Ky lloj abuzimi duhet dhe do të marr fund!

Dhe, ky prodhues bujqësor i Tiranës nuk duhet të harroj zotimin e koalicionit të PD dhe Aleancës për Shqipërinë Madhështore për subvencionimin për çdo njësi prodhimi, kokë bagëti dhe fidan të blerë dhe rritje për këtë qëllim e fondit të subvencionimit direkt të fermerëve nga 0.5 për qind të shpenzimeve buxhetore apo 31 milionë që është aktualisht, në 3.5 për qind, si dhe daljen e menjëhershme nga Ballkani i Hapur i cili po rrënon prodhimin bujqësor dhe blegtoral shqiptar.

Edukimi është  një hall kombëtar, vjen PISA dhe turpërohet nga niveli që konstaton në shkollat e Edi Ramës që do i fut në BE! Si do tejkalohet kjo situatë, Zonja Harxhi?

Në BE! (Ofshamë) Së pari, që 13 vjet shqiptarët dëgjojnë se sa shkolla u ndërtuan dhe jo për sa bursa, specializime ose doktoratura u angazhua ky shtet. Edi Rama del në foto me studentët ekselentë dhe pas ca ditësh njëri nga po ata studentë nuk regjistrohet dot në Master sepse është nga Kosova!

Ja ky është arsimi i Edi Ramës!

Pra, çuditen me PISA kur bënë vlerësimin dhe nuk çuditen me Kryeministrin që i ndanë shqiptarët në Ne edhe Ata, ose dhe ministrja që avancoi urrejtjen e shefit dhe i drejtohet “Prindit Demokrat”!

Ka edhe prej atyre që u çuditën pse i bëri thirrje Prindërve Demokrat të mbyllin sytë dhe të votojnë Partinë Socialiste, por, këta janë trashëgimtarët e atyre që mbyllnin sytë dhe vrisnin të gjitha ata që ishin të pasur, dhe madje edhe të gjithë ata që mendonin ndryshe!    

Këtij vendi, pas 12 Majit i duhet çerdhe dhe kopshte të licencuara dhe jo me patronazhistë, shkolla parauniversitare për nxënës dhe jo për Edi Ramën dhe patronazhistët e tij, dhe një reformim të thellë të universiteteve me theks të veçantë në kontrollin e stafit pedagogjik!

Ne sot kemi investitor strategjik nga partia por jo dhe investime për profesione strategjike. Ky zotëria sot na tregon se si komunikon me Mira Muratin Si shefe e Teknologjisë, ajo drejton zhvillimin dhe zbatimin e teknologjisë së OpenAI, dhe pse është i interesuar si Kryeministër për Inteligjencën Artificiale, por, nuk tregon pse iku ajo nga Shqipëria, pse nuk kishte shumë mundësi për të vënë në praktikë teorinë kur pushteti i partisë së Edi Ramës ishte në pushtet! Apo, pak rënëdsi ka sakrifica e saj dhe sakrifica shumë e madhe e prindërve për ta bërë zonjën Mira Murati ajo që është sot!

Nuk ka dhe nga ta dijë kur si ai ashtu dhe ministrja e Arsimit kishin partinë dhe Diktatorin që mendonte për të ardhmen e arsimimit të tyre, nuk kishin PISA që ti qortoi!         

Programi i PD dhe Koalicionit Shqipëria Madhështore jep në detaje trajtimin e nxënësit, atij që e mëson dhe objektit ku do të mësojnë! Kemi humbur 13 vite, por tani kemi edhe zotimin solemn me 5 për qind të buxhetit të shtetit, dyfishim dhe objekt drejt trefishimit të rrogave të arsimtarëve, ku në mandatin e parë nuk do të ketë rrogë nën 1.300 euro në arsimin shqiptar dhe nuk do të ketë rrogë nën 2.000 euro në universitetet e vendit.

Standardet do të jenë standardet e lirisë. Pa liri akademike nuk ka Universitete të vërteta, e tha qartë Kryeminisri i ardhshëm Sali Berisha, i cili edhe ka dëshmuar në vitin 2005 se premtimet e tij jetësohen sapo komunistët të largohen nga ky makth që kanë krijuar.

Kjo Familje Shqiptare që ju synoni ta riktheni ka nevojë edhe për Shëndetësi. A ka shpresë kur sot edhe në Tiranë që është qytet me qendër klinike universitare, situata është emergjente!

Për fatin e familjes shqiptare, kandidati jonë për Kryeministër është vetë mjek, dhe sa favorizohet kjo u dëshmua në vitin 2005 kur për një kohë shumë të shkurtër Spitali u bë i qytetarëve. Sot, e gjithë përvoja tetëvjeçare do të inkorporohet në reformën që do të zbatohet në Shëndetësi, ku detyrimisht do të përfshihet edhe ai institucionit të mjekut të familjes, nga i cili e deri te Qendra Spitalore Universitare është një ngatërresë aq e madhe sa çdo pacienti i duhet së pari trajnimi e pastaj  shërimi!

Të mos flasim pastaj për koncesionet, në veçanti ai i Check Upit, i cili është shndërruar në gogol aq të madh sa që në çdo takim ku shkoj më pyesin se a do të hiqet Check Upi. Aq abuzues është ky koncesion sa që pritshmëria në masë të gjerë është që ai të hiqet sepse nuk i vlen askujt, pastaj çmimi i këtij koncesioni është histori në vete; Të mos flasim pastaj për analizat e gjakut, që u dha me koncesion me pretekstin kryeministror se shqiptarët japin 2000 lekë ryshfet, dhe sot u kërkohet të presin nga dy e tre muaj!    

Pse është kjo situatë në Tiranë dhe si u bë Shqipëria pa spitale, përgjigjen ta jep Tropoja e Hasi ku u mbyllën spitalet sepse kështu vendosi ministrja, si dhe Erseka ku nuk u mbyll spitali, por, nuk ka mjekë!

Gjithsesi, e kam të qartë se Shëndetësia do të jetë njëra ndër angazhimet serioze për mua si deputete e Tiranës edhe pse për gjithë sa është thënë në Programin e PD për Shëndetësi, është e sigurt se do të jetësohet që në mandatin e parë qeverisës, është emergjencë kombëtare! Do të ndahen 3 për qind e GDP-së, skena nga Onkologjiku nuk do të shohim pasi ai do të ndahet nga QSUT dhe do krijohet Instituti i Tumoreve me buxhet të pavarur, urgjenca nuk do të funksionoj më si repart politik, rimbursimi i ilaçeve nga 50 do shkoj në 90 p֝ër qind, përfundimisht nuk do të kemi një sistem shëndetësor në të cilin janë kryer krime kundër njerëzimit ku të sëmurët kanë pësuar jo për shkak të sëmundjes por për shkak të ilaçeve.

Burke thotë: “Liria e vetme është liria e lidhur me rendin!” Sa është e mundur kjo të realizohet në këtë shtet, ku Edi Rama duke keqpërdor këto vlera përçau edhe Partinë Demokratike dhe i flaki demokratët në rrugë?  

Po, Edmund Burke që konsiderohet edhe si babai i konservatorizmit modern thotë edhe: “Liria duhet të ekzistojë së bashku me rendin dhe virtytin, ndryshe nuk ka liri!”

Qëndrestarët tashmë i kanë provuar edhe në praktikë të gjithë shqiptarëve që ishin skeptik më 11 dhjetor 2021 kur Rithemeluan PD-në, se pa të drejta, nuk ka shtet. Ne konservatorët shqiptarë ishim të qartë pavarësisht përpjekjeve të Edi Ramës dhe shërbëtorëve të tij edhe më 8 Janar, qeveria nuk shpërndan drejtësi por ndjek ligjin, pa harruar se burimi i ligjit është në normat morale.

Konservatorët e adhurojnë traditën sepse ajo i jep një individi një ndjenjë përkatësie dhe stabiliteti. Aktualisht tradita është e shkatërruar nga ky regjim dhe dëmet janë shumë të mëdha. PD është nisur nga Pika 0 që nda dita e Rithemelimit, dhe sot ju i kërkoni votën një elektorati që fali, harroi dhe sot është i sunduar nga bijtë e persekutorëve! Cili është mesazhi juaj?   

Ne nuk mund të dimë se ku jemi, aq më pak se ku po shkojmë, derisa të dimë se ku kemi qenë, ky është këndvështrimi i një konservatori të ndërgjegjshëm.

Këtij konservatori Unë i kërkoj votën, atij i cili i njeh vlerat e Edit Harxhit dhe e dinë se premtimet e mia nuk janë vetëm fjalë boshe, ndërsa mesazhi është thirrja dhe kushtrimi i lirisë për sigurinë e pronës, sigurinë juridike, arsimore, shëndetësore dhe në radhë të parë sigurinë për dinjitet njerëzor: Në 12 maj, Edi Rama dhe klika e tij duhet të largohen, Shqipëria  është e qytetarëve!

watch porn
olalaporno.com