Me fermerët, Basha: 50 mln. euro për infrastrukturën bujqësore!

Pas takimit me fermerët e Zall Bastaritt ku rreth 5.000 banorë jetojnë kryesisht me të ardhurat nga toka dhe prodhimet bujqësore, Kryetari i Partisë Demokratike, Lulzim Basha, konsaton se ata jetojnë në kushtet e mbijetesës dhe në nevojë ekstreme për mbështetje nga shteti. Pandemia e ka rrënuar edhe më tej ekonominë e tyre familjeve, çmimet janë rritur, fuqia blerëse dhe punimi i tokës po bëhet gjithnjë e me kosto më të lartë.

“Në 7 vite, fshatarët e Zall Bastarit dhe gjithë Shqipërisë janë përballur vetëm me propagandë. Taksat janë rritur, çmimi i naftës dhe i energjisë është rritur, produktet e importit janë favorizuar, subvencionet dhe investimet në infrastrukturën bujqësore kanë munguar,” konstaton Lulzim Basha sot kur për 7 vjet me radhë Ramavirusi ka harxhuar 700 milionë euro për projekte fasadash korruptive, duke i lënë shqiptarët të vetëm në varfëri dhe mjerim.

Për PD, bujqësia do të jetë prioritet, tha Kryetari i Partisë Demokratike, sepse duke mbështetur fermerët ne ndihmojmë ekonominë tonë, rrisim punësimin dhe zhvillimin. Paketa e subvencioneve, e cila do të jetë të paktën sa e Kosovës dhe Maqedonisë së Veriut, do të shkojë direkt tek fermeri në bazë të prodhimit të tij, tha Basha duke u zotuar:

“Do të heqim taksën “Rama” mbi naftën që do të sjellë dhe ulje të çmimit të saj. Do të akordojmë një fond prej 50 milionë eurosh në përmirësimin e infrastrukturës bujqësore. Ne synojmë që prodhimet tona të jenë një vlerë e shtuar për turizmin, çka do të mundësonte rritje të të ardhurave për fermerët e më shumë mirëqenie për çdo familje.”

Duke premtuar para fermerëve të Zall Bastarit se do t’i jep mbështetje prodhimit vendas dhe do të nxis eksportet, Kryetari i Partisë Demokratike, Lulzim Basha, përfundon:

“Ne do të bëjmë gjithçka që t’i japim mundësinë njerëzve punëtorë e të palodhur të këtij vendi të shfrytëzojnë pasuritë që na ka dhënë natyra dhe së bashku t’i shndërrojmë ato në të mira materiale për çdo shqiptar.”