Me fermerët në Lushnjë, Edi Rama: Kemi rilindur bujqësinë!
Shtatë 7 vjet, kur asgjë nuk ka rilindur që nga ardhja në pushtet, sot, gjatë vizitës në Lushnjë ku panë nga afër punën nëpër ferma, Kryeministri Edi Rama së bashku me Ambasadorin e BE, Luigi Soreca, konstatojnë transformime mbresëlënëse në bujqësi ndonëse kishte mundësinë që vërtetë të mburret me transformim dhe jo të flas për degën më të shkatërruar të ekonomisë shqiptare që nga viti 2013.
Por kjo nuk pengoi Edi Ramës që në Lushnjë të flas për ferma moderne që janë ngritur dhe gjenerojnë punësim dhe na afrojnë me Bashkimin Europian ndërsa Ambasadori Soreca tha se kanë qenë mijëra vetë që kanë qenë pjesë e projektit e që përfitojnë prej tij.
“Jam i lumtur për investimin e BE. Investimet në bujqësi janë të mirëpritura. Me mijëra persona kanë qenë pjesë e projektit e që përfitojnë nga ky projekt,” tha Soreca ndërkoh Kryeministri Rama vlerësoi se tregu tashmë është modern dhe në përputhje me standardet e Bashkimit Europian.
“Siç e shikoni, këtu tregu është krejtësisht i ri dhe me standardet e Bashkimit Europian. Kemi rilindur bujqësinë dhe për këtë flasin faktet. Me durim duhet të bëjmë gjithcka. Media nuk merret me lajmet e mira, por me të këqijat. Merret me disa që hedhin në tokë domtatet e nuk sheh këtë realitet, sepse nuk dëshiron. Ne si qeveri jemi në mbështetje të bujqësisë, Shqipëria e BE po investojnë në sektorët bujqësorë.”
“Lushnjë – Aty ku puna me tokën dhe transformimet mbresëlënëse të viteve të fundit nuk kanë bërë kurrë lajm dhe ku realiteti flet qartë për rilindjen e vështirë, por të vazhdueshme të bujqësisë, përmes plot shembujsh kuptimplotë, si ky i Nedrete Arapit dhe familjes së saj nga Zgjana,” pormovonte Edi Rama punën e fermerëve shqiptarë si dhe financimit direkt nga programi i qeverisë + fondit nga programi europian IPARD II – ku Shqipëria, mendoi Kryeministri, po ia del të thithë fonde të konsiderueshme:
“Si rezultat i rritjes së cilësisë së projekteve dhe bashkëpunimit AZHBR-Fermer- magazina e thjeshtë ku nisi historia e suksesit të kësaj familjeje punëtore, është transformuar në një strukturë moderne që gjeneron punësim dhe garanton rritjen e përvitshme të eskporteve në Bashkimin Europian.”
