Me finalistët, Deputeti që s’do Edi Rama: Jeni arrogant!
Ka dështu në qeverisjesn e shtetit por si qeverisës i propagandës Kryeministri Edi Rama nuk ka konkurrencë. “Deputeti që duam” për njerëz normal mund të jetë një gjë e shpifur por ai është impiant i votave komuniste me të cilin Edi Rama po përafron idetë që në shumë vendet e lindjes jo që kanë vdekur por turpërohen nga ato.
“Edhe pak ditë na ndajnë nga zbritja në fushë e skuadrës sonë kombëtare për ndeshjen e 25 prillit. Është një ndeshje vendimtare për Shqipërinë mu në mes të një lufte botërore që vazhdon me armikun e padukshëm dhe në kulmin e punës për zhdukjen e pasojave të tërmetit tragjik të 15 muajve më parë. Është një ndeshje ku do të vendoset nëse Shqipëria do të vazhdojë përpara për t’u bërë ajo që duam, apo do të kthehet mbrapa, për t’u ribërë ajo që largqoftë kishim. Më 25 prill do të vendoset nëse do të dalim shpejt nga kthetrat e pandemisë, duke siguruar në kohë të gjitha dozat e vaksinave për të ecur shpejt përpara me këputjen e zinxhirit të infektimeve apo do të humbasim kohë të çmuar duke rënë në kthetrat e politikës së vjetër. Kjo ndeshje do të vendosë nëse do të çojmë përpara punët e nisura në të katër anët, në çdo drejtim apo nëse do të ngecim përsëri dhe do të rizhytemi në gropën e asaj politike që na çoi deri në buzën e humnerës,” tha Edi Rama duke sqaruar këtë kërcënim për të gjithë ata që vazhdojnë dhe nuk e kuptojnë pse numri i të infektuarëve në Shqipëri është më i madhi edhe ndër fqinjët e Ballkanit, mirëpo qeveriu i propagandës nuk pushon së foluri:
“Ne kemi bërë shumë, më shumë se të gjithë ata që e kishin këtë detyrë para nesh, por pa diskutim nuk i kemi bërë mirë të gjitha, nëse mandati nuk do ishte thyer në mes nga tërmeti dhe pandemia,” tha Rama i cili mjaftohet pse është përpjekur dhe pak rëndësi ka që ka dështuar:
“Ama besoj, kush arsyeton me mendje të kthjellët nuk e diskuton që nuk jemi kursyer në përpjekjet tona, asnjë ditë. Unë vetë, si i pari i familjes sonë të madhe, kam bërë çmosin në krye të të gjitha përpjekjeve duke vënë çdo ditë mishin dhe shpirtin në krye të detyrës për ta merituar çdo ditë nderin e jashtëzakonshëm që më keni bërë, me besimin që kemi dhënëSkuadra jonë kombëtare po bëhet gati.”
Gjithsesi, kjo nuk e pengoi Kryeministrin Edi Rama të jetë i qartë se për këto dështime spektakolare, nuk i ka të gjitha meritat. Grupi parlamentar ka qenë vijimisht solid dhe mbështetës për reformat, për vendimmarrjet e vështira dhe për çuarjen përpara të punës përpara dhe do të jetë boshti i skuadrës sonë kombëtare të 25 prillit tha Edi Rama
“Skuadra jonë kombëtare po bëhet gati. Fatmirësisht ne ndryshe nga të tjerët nuk kemi mungesë zgjedhjesh. Kemi më shumë lojtarë të aftë për të mbuluar të gjitha rolet se sa vendet në skuadër. Grupi im parlamentar ka shumë profile të përshtatshme për çdo rol dhe gjatë këtyre viteve ka krijuar një bagazh eksperience të vyer që assesi nuk mund të neglizhohet. Është një grup që ka mbajtur ngarkesa të mëdha, momente të caktuara, krejt të pazakonshme për vetë dinamikën e jashtëzakonshme të jetës parlamentare, ku momentet e rënda të tensionit kanë qenë të shpeshta dhe të gjata. Grupi ka qenë vijimisht solid dhe mbështetës për reformat, për vendimmarrjet e vështira dhe për çuarjen përpara të punës përpara. Ky grup do të jetë boshti i skuadrës sonë kombëtare të 25 prillit. Skuadra duhet të jetë në lartësinë e sfidës të ripërtëritjes me lojtarë të rinj, me vajza e djem, gra e burra që sjellin energji të reja, profile të reja, përfaqësuese të një shoqërie që ndryshon me shpejtësi,” tha Edi Rama duke shtuar se ky formacion i skuadrës kombëtare të PS duhet të japë mesazhe të reja, grupmoshave, më të rinjve, grave në mënyrë të veçantë, kategorive të ndryshme sociale.
“Kjo në fakt ka qenë prirja e kahershme e PS. Besoj se gjatë drejtimit tim, PS e ka konsoliduar këtë prirje. Në partinë tonë nuk ka vend për kasta të pandryshueshme drejtuese, as për piedestale statujash që nuk lëvizin nga pozicionet dhe i përkasin një të shkuare tanimë të largët, sherresh e konfliktesh për kush jam unë e kush je ti. Na duhen deputetë e deputete që ambicien të kenë qëndrimin sa më pranë zgjedhësve. Zgjidhjen e halleve e problemeve të njerëzve në çdo komunitet, pjesëmarrjen sa më të frytshme në parlament, por shumë e rëndësishme kontributin sa më pozitiv në frymën e skuadrës. Skuadra është mbi të gjithë dhe mbi të gjitha egot personale. Për ndeshjen e 25 prillit kemi ndërtuar një proces të ri, inovativ, duke hapur derën për të gjithë ata që kanë ambicie, kurajë, vullnet për t’u bërë pjesë e skuadrës sonë. Kemi pritur 1581 shprehje interesi nga vajza e djem, gra e burra, nga veriu në Jug, nga qyteti e fshati, brenda e jashtë vendit. I falënderoj të gjithë pa asnjë përjashtim. Ka qenë nder për ne që aq shumë individë na kanë ofruar gatishmërinë e tyre për t’u bërë pjesë. Procesi ka kaluar disa etapa. Më vjen mirë që sot takohem me disa nga ata që janë seleksionuar. Këtu bashkë më mua janë dy kolegë që kur ishin fare të rinj në dy faza krejt të ndryshme të historisë së PS u bënë pjesë e skuadrës kombëtare. Erdhën nga dy rrugë krejt të ndryshme por njësoj si ata që vijnë nga rrugë krejt të ndryshme për t’u bërë pjesë e rrugës sonë të përbashkët. Kishin, ndanin, bashkoheshin tek ambicia për të bërë më shumë për të qenë të dobishëm dhe natyrisht për të punuar, kontribuuar, mbështetur të tjerë dhe përmes të tjerëve vetveten për një qëllim të madh dhe të përbashkët. Taulant Balla dhe Erion Veliaj janë këtu me mua. Taulanti është këtu dhe për një arsye tjetër sepse ka qenë shumë aktiv në gjithë procesin e përzgjedhjes së anëtarëve të rinj. Erion në tërësi ka arsye të jetë këtu sot dhe ka fjalët e tij për të thënë në funksion të këtij momenti të rëndësishëm kur skuadra jonë hap dyert për të tjerë siç ishin këta dikur.”
Ndoshta edhe prania e këtyre dy personazheve socialistë bër që sot tek kandidatët finalistë për deputetë, siç i quan Rama, të dëgjohen shumë marrëzira. Disa prej tyre i shpalosën idetë nga fjalori i tij, disa prej tyre kishin frikë të flasin për defektet e partisë, por kishte edhe prej atyre që i thanë dhe defektin më të vogël që ka kryesocialisti:
– Jeni pak arrogant!
Ndonëse fjalori i gjuhës shqipe e sqaron shumë mirë fjalën “arrogancë”, Kryeministri tha se konsiderohet arrogant sepse është i drejtërdrejtë!
“E the butë, e di që shumë njerëz e thonë këtë gjë. Mbase jam. Unë e di që ajo mua më etiketohet si arrogancë. Është drejtpërdrejtësia, e folura troç dhe mbrojtja me shumë këmbëngulje e bindjeve të mia. Ndonjëherë me tepri. Faleminderit që më në fund e nxore një fjalë të sinqertë edhe në aspektin jo pozitiv të themi”
Megjithatë, ato që dolën nga goja e kandidatëve për deputetë ishin shumë më njerëzore dhe shumë më politike se lideri i tyre. Ai edhe sot foli si opozitar , dhe nëse në vitin 2013 i pengoi Saliu, në vitin 2017 Likja me tepsinë e tij sot e gjeti pandeminë. Pandeminë, nga kthetrat e cilës ai tha se do të venodset më 25 prill nëse do të dalim shpejt edhe pse ka dështuar si menaxhimin e situatës ashtu dhe trajtimin e atyre që janë prekur.
Por spektakli “Deputeti që duam” e arsyetoi emërtimin kur kandidatët për dalllim nga kryetari nuk shohin ndonjë defekt tek kjo forcë politike.
“Kur unë kam hyrë në PS, kam hyrë sepse me një anë e shihja PS si forcën që ishte e vetmja që mund ta bënte në vijimësi vendin. Mendoja se PS kishte defekte për të ndrequr. Më thuaj defektin më të madh të PS që ti do të dojë të ndreqje,” tha Rama.
Kandidatja: Defektin më të madh….
Rama: Se nëse PS është kaq e bukur dhe e mirë, ça nevoje kemi për ty?!
Kandidatja: Do doja që ashtu si unë të përfshiheshin edhe më shumë njerëz të thjesht të PS!
Rama: Të thjeshtë janë njerëzit në PS. Taulant Balla nuk vjen nga njerëz të veçantë në status. Vjen nga babai mësues e nëna infermiere. Edhe Erioni po ashtu. Detyra për ty në këtë rrugë që sapo ke nisur është që herën tjetër dhe në vijimësi dhe kur të flasësh me njerëzit, të thuash edhe çfarë janë gjërat që duhen ndrequr. Ti dukesh e kënaqur, unë jam i pakënaqur me PS, me qeverinë, me veten time. Nuk është kaq e lehtë kjo punë.
Shqiptarët që kanë dëshirë të vaksionohen dhe nuk po e bëjnë dot një gjë të tillë vazhdojnë të mendojnë se Edi Rama është lypsari më i gjati dhe më i miri por ndër “Deputeti që duam” socialistët kishte më të fortë:
“Siç e keni thënë ju që jeni lypësi më i gjatë, unë do jem një nga ato lypëset më të forta për të arritur synimet. Unë kam një jetë shumë të mirë, i kam të gjitha mundësitë mirëpo kam ambicie, dua që Kukësi të zhvillohet. Marr angazhimin që të krijoj lidhje me kompani shqiptare dhe të huaja, në mënyrë që kuksianët të shesin produktet e tyre.”, tha kandidatja për deputete e PS-së nga Kukësi! Ç’e lidhë Kukësin me Partinë Socialiste vetëm ata që jetojnë në Londër dhe presin të votojnë për Partinë Demokratike e dinë por gjithçka tjetër quhet mjerim!
Gjithsesi, edhe për mjerim duhen profesionist ndonëse punë nuk ka!
