Me FRPD, Bardh Spahia: Infrastruktura, turizmi dhe rinia, prioritet i Bashkisë Shkodër pas 6 Marsit

Privilegj dhe përgjegjësi, tha kandidati i koalicionit “Shtëpia e lirisë” për Shkodrën, Bardh Spahia, është mbështetja që gëzon nga Forumi Rinor i Partisë Demokratike, FRPD, duke premtuar që së bashku do ti sjellin Shkodrës një model të ri në menaxhim dhe në politikbërje ndërsa i ftoj të rinjtë shkodranë të startojnë me ndryshimin e madh nga Shkodra duk ei treguar gjithë Shqipërisë se rinia është zemra e të vërtetës së vendit tonë.

“Të dashur miqë, të rinjë e të reja, bashkëudhëtarë të rrugëtimit tim politik që nga ditët e para të angazhimit, Ju falënderuar për këtë pjesëmarrje dhe entuziazëm që na transmetoni sot dhe për hirë të vërtetës nuk na munguar kurrë, sa herë jemi mbledhë bashkë, sa herë kemi qenë bashkë në një rrugë jo pa pengesa, në një rrugë jo të thjeshtë, por një rrugë që kemi zgjedhur, ta mbajmë me dinjitet, ta vazhdojmë me përgjegjësinë qytetare që na karakterizon.

Unë ndihem mirë mes jush sepse marrë energji pa fund, marrë pozitivitet pa fund, pastërti, idealizëm, prej jush, tipare dhe parime që do ti duheshin çdo politikani, çdo personi që zgjedh të jetë shërbëtor publik, aq më tepër në rastin tim ku mendoj dhe besoj se jam njeri nga Ju, sepse së bashku kemi bërë gjithçka, së bashku kemi bërë rrugëtimin tonë politik, së bashku i kemi dhënë formë, i kemi dhënë vlera Partisë Demokratike jo vetëm në Shkodër por në gjithë Shqipërinë.

Ju në fakt nuk e keni kursyer kontributin, sakrificat e mëdha, asnjëherë Partisë Demokratike, dhe s’kish si të ishte ndryshe, pasi ju jeni pasardhës të një brezi jashtëzakonisht të lavdishëm të të rinjëve, të atyre të rinjëve që e shënuan me germa të arta historinë e Shkodrës por dhe mbarë Shqipërisë.

Ju jeni pasardhësit e atyre të rinjëve që u organizuan në organizata politike për herë të paë, në gjimnazet e Shqipërisë për impenjimet politike të të cilave vuajtën pasoja të jashtëzakonshme. Ju jeni pasardhës të një rinie të jashtëzakonshme të viteve ’90 e cila nuk kurseu asgjë por me timëri të pashoqe, me një sakrificë ekstreme e drejtoi vendin drejt hapjes, drejt demokracisë, drejt vlerave të vërteta të qytetarisë.

Ju jeni pasardhësit e heronjëve të 2 Prillit të cilët nuk kursyen asgjë jo vetëm për Shkodrën por për gjithë Shqipërinë. Ju jeni pasardhësit e atyre të rinjëve dhe të rejave, studentëve legjendarë të cilët shkruan me shkronja të arta historinë e demokracisë shqiptare. Pra, Ju jeni krenaria e kombit tonë!”

Përveç privilegjit, Bardh Spahia tha dhe ndjenë përgjegjësi që vazhdimisht ka gëzuar mbështetjen e Forumit Rindor të Partisë Demokratike:

“Unë ndihem i privilegjuar që kam pasur vazhdimisht mbështetjen dhe kontributin tuaj të pakursyer por njëkohësisht ndjejë dhe përgjegjësinë e madhe të përfaqësimit tuaj. Së fundmi, ndjejë një përgjegjësi të jashtëzakonshme në këtë rrugëtim të fundit drejt Bashkisë Shkodër sepse i di problematikat e jashtëzakohsme me të cilat haset çdo ditë rinia shqiptare, e veçanërisht ajo shkodrane.

Unë i di problematikat me tëcilat përballen prindërit tuaj, familjet tuaja, çdo ditë. Unë i di problematikat e të rinjëve sepse bashkë bisedojmë shpesh dhe jo vetëm 1 herë në 4 vite, bashkëbisedojmë dh ejapim ide, ide të cilat unë i konsideroj një thesaj për mua dhe të cilat do të ndikojnë në vendimarrjen time.

Unë kam bindjen absoluet se së bashku do t’ja ndërrojmë fytyrën Shkodrës dhe nga Shkodra do të sjellim modelin e ri për gjithë Shqipërinë,” tha kandidati i koalicionit “Shtëpia e lirisë” për Shkodrën duke përfunduar:

“Ne do të sjellim një model të ri në menaxhim, ne do të sjellim një model të ri në politikbërje, ne do të sjellim një vizion se si e shohim Ne Shkodrën dhe gjithë Shqipërinë. Le të startojmë ndryshimin e madh nga Shkodra dhe ti tregojmë gjithë Shqipërisë se rinia është motorri i vërtetë, rinia është zemra e të vërtetës vendit tonë,” përfundoi kandidati i koalicionit “Shtëpia e lirisë” për Shkodrën, Bardh Spahia, duke e bërë të qartë se përveç infrastrukturës dhe turizmit, pas datës 6 Mars vëmendje të veçantë në Bashkinë Shkodër do të ketë rinia.

Në kë të takim me FRPD Shkodër, lideri historik i Partis Demokratike, Sali Berisha, tha se duhet bërë gjithçka që këtë revolucion ta bëjnë të rinjtë dhe të quhet Revolucioni i Shpresës për shqiptarët

“Unë e them me bindje të plotë, se ky regjim në fuqi sot është një narkoshtet i mirëfilltë, një shtet që bazohet mbi vjedhjen, drogën, krimin dhe nuk meriton asnjë ditë të ekzistojë. Në këtë situatë, bashkëfajtor pa diskutim që ishte drejtimi i opozitës, ishte Ai që tani shqiptarët po e quajnë Lulzim Brava!

U ndala vetëm në këtë moment me ju jo për të vajtuar të shkuarën, por vetëm për të menduar se çfarë misioni të madh kemi ne, çfarë misioni të madh keni ju: misioni më I madh dhe misioni më i madh i këtij revolucioni është të mbjellim shpresën. Të mbjellim shpresën!” tha Sali berisha duke shtuar:

“Ndaj dhe unë njerëzisht përulësisht ju lutem që të angazhoheni në një dialog, në një debat me të gjithë bashkëmoshatarët e tuaj kudo që janë, të diskutoni për këtë vend, të diskutoni për të rikthyershpresën tek të gjithë ata që nuk e kanë dhe ju them një gjë, ju garantoj se potencialet e këtij vendi janë të jashtëzakonshme. Janë të jashtëzakonshme dhe se mundësitë në këtë vend janë të pakrahasueshme me mundësitë në vende të tjera.”

Duhet të bëjmë gjithçka që këtë revolucion ta bëni ju të rinjtë dhe ta quajmë Revolucioni i Shpresës për shqiptarët! Ju i keni të gjitha. Unë e kuptoj se ka njerëz që më të drejtë pyesin se ku është kjo ekspertizë, po ku është ky projekt,  kjo politikë?! – Të gjitha janë në mendjet tuaja! Jua garantoj unë!” tha lideri historik i Partisë Sali Berisha duke përfunduar:

“Ndaj dhe ta shndërrojmë këtë lëvizje në lëvizje shpëtimtare për shqiptarët. Të gjitha lëvizjet për liri të shqiptarëve kanë pasur firmën e të rinjve shqiptarëve!”