Me hetuesit e BKH, Yuri Kim: SHBA, mbështetje në luftën kundër korrupsionit dhe krimit të organizuar

Pas takimit në SPAK me hetuesit e parë të Byrosë Kombëtare të Hetimit, BKH, që janë duke përfunduar trajnimin, Ambasadorja e SHBA në Tiranë, Yuri Kim, e bindur se ata do të kenë sukses siguron mbështetjen e fuqishme të Shteteve të Bashkuara që ata do të kenë në luftën kundër korrupsionit dhe krimit të organizuar

“U takova sot me Hetuesit e parë të BKH, të cilët janë duke përfunduar trajnimin. Puna e tyre është e rëndësishme dhe e vështirë, por ata do të kenë sukses. Populli shqiptar po mbështetet tek ata; familjet e tyre krenohen me to,” thekson Ambasadorja Yuri Kim përmes rrjetit social Twitter duke përfunduar:

“Shtetet e Bashkuara do t’i mbështesin fuqimisht ata në luftën kundër korrupsionit dhe krimit të organizuar.”