Më i paqartë se ditën e parë, Isa Mustafa: Deri në fund të javës, të bëhet ose të mos bëhet koalicioni!

Pas më shumë se dy orë diskutimesh në Kryesinë e LDK-së, rreth mundësisë së koalicionit me Lëvizjen Vetëvendosje, Kryetari i Lidhjes Demokratike të Kosovës, Isa Mustafa, është më i paqartë se ditën e parë kur filluan negociatat.

“Ne mbetemi të përkushtuar që të punojmë për marrëveshje që respekton vullnetin e qytetarëve në zgjedhjet e 6 tetorit. Prandaj do ta respektojmë dhe marrëveshja duhet të paraqet balancim pasi ne kemi 28 deputetë e Lëvizjes Vetëvendosje 29.

Ne kemi dhënë një propozim që është shumë i balancuar dhe LVV duhet ta trajtoj me vëmendje të veçante që ne jemi të hapur që të ulemi të bisedojmë por që ajo ulje dhe bisedë e jona të ketë një përfundim më të shpejtë mundësisht deri në fund të kësaj javë dhe të konstatojmë nëse nuk ka kushte për të vazhduar më tutje.”

Pas përfundimit të mbledhjes së Kryesisë, zëdhënësi i LDK-së ka ftuar Lëvizjen Vetëvendosje për të biseduar  dhe të marrin një vendim deri në fund të javës.