Me kërkesën e Taulant Ballës, Presidenti Meta: Veteranët komunist “Nderi Kombit”
Në kuadër të 75-vjetorit të Çlirimit të Shqipërisë, me kërkesën e Kryetarit të Grupit Parlamentar i PS, Taulant Balla, Presidenti i Republikës, Ilir Meta, ka dekoruar fajtorin kryesor të krimeve komuniste në Shqipëri, Organizatën e Veteranëve të Luftës Antifashiste Nacional Çlirimtare, me Dekoratën e lartë “Nderi i Kombit”.
“Për kontributin e pashembullt që ka dhënë e jep kjo organizatë në mbrojtjen e idealit të luftës për liri dhe transmetimi tek brezat e rinj, të vlerave, sakrificave dhe vetëmohimit të treguar gjatë epopesë së lavdishme të luftës nacionalçlirimtare,” thotë ai që pretendon sot se mbronë vlerat demokratike në Shqipëri, Ilir Meta, duke avancuar me mendimin kriminal të cilin e ka reformuar partia e tij mëmë dhe e shprehë në kërkesën e saj, që njeh kontributin që ka dhënë kjo organizatë por jo që vazhdon ta jep, siç mendon “babai i referendumeve shqiptare”, me të cilin Opozita e Bashkuar e ka çuar nëpër mend që t’ia marrë pushtetin edhe Edi Ramës.
Ndryshe, ky motivacion kriminal i Ilir Metës vjen pas propozimit të Kryetarit të Grupit Parlamentar të Partisë Socialiste, Taulant Balla, i cili çdo ditë nga foltorja parlamentare dhe jo vetëm, propagandon shkarkimin e Presidentit Meta një orë e më parë.
Pra, nuk është e qartë se ku e ka identifikuar Ilir Meta kontributin që jep sot kjo organizatë, gjithsesi kërkesa e partisë së Edi Ramës, të cilën Presidenti Meta e akuzon nga mëngjesi deri në darkë, njeh vetëm kontributin në luftë:
“Këtë propozim e mbështes në kontributin që ka dhënë Organizata e Veteranëve të Luftës Antifashiste Nacional-Çlirimtare në mbrojtjen, përhapjen, transmetimin dhe edukimin tek brezat e rinj të idealeve dhe vlerave antifashiste, atdhetare e liridashëse, historisë, përpjekjeve të popullit shqiptar në Luftën e Dytë Botërore”.
Në fund, në kuadër të epokës së referendumeve që shpalli Presidenti i Republikës, shpresojmë që Ilir Metës nuk do ti shkoj nëpër mend të kërkoj edhe një referendum për kontributin që jep sot kjo organizatë sepse mendimet e Presidencës nuk do të përplasen vetëm me SHBA!
