Me koronavirus te porta, Dr.Bardh Spahia: Manastirliu vazhdon aktrimin!
Pas evidentimit të prezencës së koronavirusit në Itali, dhe mbledhjes e Ministres së Shëndetësisë, Ogerta Manastirliu me Task Forcën për parandalimin, kontrollin dhe mbrojtjen ndaj koronavirusit të ri, ku dhe u vendos për përforcimin e masave në pikat kufitare, ka reaguar Partia Demokratike përmes Ish-Deputetit Bardh Spahia duke theksuar se disa pyetje që u bëhen udhëtarëve nga policët që kanë një formular për ta plotësuar në rast dyshimi, nuk janë masa.
“Kjo është një situatë tejet shqetësuese për qytetarët shqiptarë dhe një këmbanë alarmi për çdo profesionist të fushës por mesa duket nuk e prek aspak ministren Manastirliu,” thekson Barsh Spahia ndërkohë në mbledhjen e sotme të Task Forcës ende flitet për forcime masash në kufi për pasagjerët që vijnë nga vendet endemike, masa të cilat deri tani janë pothuaj inekzistente.
“Por me situatën në shtetin fqinj, koncepti i vendeve endemike bie totalisht. Nuk di çfarë quan masa në kufi ministrja por kurrsesi disa pyetje që u bëhen udhëtarëve nga policët që kanë një formular për ta plotësuar në rast dyshimi, nuk janë masa.”
Madje asnjë masë informuese apo trajnim për personelin e shërbimit parësor për masat që duhen marrë dhe trajtimin e ndonjë rasti të mundshëm, thekson Ish-Deputeti i Partisë Demokratike, Bardh Spahia duke përfunduar:
“Zonja ministre tashmë rreziku i prezencës së koronavirusit në Shqipëri është më eminent se kurrë. Nevojiten masa drastike e transparente, hiqni dorë nga aktrimi. Koha e shfaqjeve ka mbaruar.”
Ndryshe, sot Task-Forca për parandalimin, kontrollin dhe mbrojtjen ndaj koronavirusit të ri, në e mbledhjen e thirrur nga Ministrja e Shëndetësisë, Ogerta Manastirliu, vendosi për përforcimin e masave në pikat kufitare, sigurimi i sasisë së shtuar të mjeteve të mbrojtjes personale dhe përforcimi i gjurmimit të rasteve për të rritur kontrollin për parandalimin e depërtimit të koronavirusit COVID-19.
Reagimi
Tashmë jemi në situatën që koronavirusi ka prekur dhe po bën viktimat e para edhe në Itali, madje 5 të infektuar janë personel mjekësor, një vend me të cilin kemi shkëmbime të shumta dhe lëvizje njerëzish e mallrash.
Kjo është një situatë tejet shqetësuese për qytetarët shqipëtarë dhe një këmbanë alarmi për çdo profesionist të fushës por mesa duket nuk e prek aspak ministren Manastirliu.
Në mbledhjen e sotme të Task Forcës ende flitet për forcime masash në kufi për pasagjerët që vijnë nga vendet endemike, masa të cilat deri tani janë pothuaj inekzistente.
Por me situatën në shtetin fqinj, koncepti i vendeve endemike bie totalisht. Nuk di çfarë quan masa në kufi ministrja por kurrsesi disa pyetje që u bëhen udhëtarëve nga policët që kanë një formular për ta plotësuar në rast dyshimi, nuk janë masa.
Ndërkohë asnjë transparencë publike për mungesat thelbësore në pajisjen e personelit shëndetësor me mjete mbrojtëse të posaçme. Asnjë fjalë as për një shqetësim madhor që e kemi denoncuar që në fillim të përhapjes së koronavirus për mungesën e qendrës së karantinës që mesa kuptohet nga reagimet e sotshme nuk qenka ngritur ende dhe askush nuk e di ku do ngrihet dhe a i plotëson kushtet për të qenë e tillë. Asnjë masë informuese apo trajnim për personelin e shërbimit parësor për masat që duhen marrë dhe trajtimin e ndonjë rasti të mundshëm. Zonja ministre tashmë rreziku i prezencës së koronavirusit në Shqipëri është më eminent se kurrë. Nevojiten masa drastike e transparente, hiqni dorë nga aktrimi. Koha e shfaqjeve ka mbaruar
