Me krerët e degëve, Basha: PD s’mund të njohë zgjedhjet e 25 Prillit!

PD nuk mund të njohë një proces zgjedhor si ai i 25 prillit, tha Kryetari i Partisë Demokratike, Lulzim Basha, në takim me krerët e Degëve të PD duke paralajmëruar nisjen e një turi javën e ardhshme për mbledhjen e fakteve të krimit elektoral.

“PD nuk mund të njohë një proces zgjedhor si ai i 25 prillit. Mos bini në kurthin e kundërshtarit. Mblidhni faktet e manipulimeve. Ne jemi duke grumbulluar fakte në rrugë ligjore për të mos njohur procesin e 25 prillit. Javën e ardhshme do të nis tur në çdo degë të PD-së,” tha Lulzim Basha ndërsa për të gjithë ata persona që janë pa parti dhe kërkojnë dorëheqjen e Kryetarit tē PD, duke u larguar nga selia e Partisë Demokratike kishte një përgjigje të prerë:

Beteja vazhdon!