Me Kryetarin e PD, Escobar: Kërkoj një përkushtim të fortë nga institucionet shqiptare!
Pas takimit me Kryetarin e Partisë Demokratike, Lulzim Basha, Zv/Ndihmës Sekretari i Shtetit për Çështjet Europiane dhe Euroaziatike dhe I Dërguari i SHBA për Ballkanin Perëndimor, Gabriel Escobar, tha se pret me kënaqësi vijimin e marrëdhënieve me PD ndërsa kërkon një përkushtim të fortë nga institucionet shqiptare
“Jam shumë i lumtur që ndodhem në Tiranë, është vizita ime e parë në Shqipëri dhe më kanë rezervuar një mikpritje shumë të ngrohtë. Isha gjithashtu i lumtur që kisha mundësi të takohesha me opozitën dhe ata kanë shprehur angazhimin e tyre ndaj NATO-s, integrimit europian dhe luftës ndaj korrupsionit. Jemi gjithashtu të kënaqur që jemi pjesë e kësaj, përfshirë dhe përpjekjet tona të forta kundër korrupsionit, përfshirë sanksionet,” tha Gabriel Escobar duke shprehur kënaqësinë që pret të takoj Lulzim Bashën në Washington ndërsa përfundoi:
“Për ta kthyer këtë në realitet do të nënkuptoj dhe kërkoj një përkushtim të fortë nga institucionet shqiptare. Pres me kënaqësi të zhvilloj takime të tjera pasdite dhe gjithashtu pres me kënaqësi vijimin e marrëdhënieve me PD, gjithashtu pres me kënaqësi që të takoj zotin Basha në Washington.”
Ndryshe, rreth orës 15:00, I dërguari i SHBA për Ballkanin pritet të zhvilloi një takim me ministren për Europën dhe Punët e Jashtme, Olta Xhaçka ndërsa në orën 17:00, me Kryeministrin Edi Rama
