Më mirë Ministria e Brendshme bosh, se shejtani brenda!
Pavarësisht se kurrë nuk u sqarua roli i tij në përgatitjen dhe trazirat e 21 Janarit, nuk u kuptua kurrë roli i tij në manipulimet zgjedhore edhe pas përgjimeve që dëgjuan gjithë shqiptarët;
Për Toyota Yaris shqiptarët dëgjuan vetëm zërin e liderit të opozitës dhe buzëqeshjet e këtij njeriu enigmatik që rregullonte lidhëzet e Fatos Nanos kur ai nuk ishte në kazino për të kërkuar shërbimet tjera, nuk u hetua as roli i tij në trafikun e drogës së mikut të tij të njohur me nofkën “Tukja”, as rolin në përfitimet e tenderave të OST e OSHEE të mikut të tij trafikant droge Edmond Bego;
As edhe një fjalë nuk tha për videon me trafikantin e kokainës Maksi Beço, as roli i tij në konfliktin që përfundoi me vrasje në Elbasan të Pjerin Xhuvanit, arsyet pse la postin e Sekretarit të Përgjithshëm të PS në duart e Ish-Sekretarit të Përgjithshëm të SHIK-ut, Damian Gjiknuri, nuk u dëgjuan asnjëherë;
Nuk u hetua as për mohimin e zgjedhjes së një anëtari për Autoritetin e Dosjeve pas deklaratës publike se nuk do të zgjidhet meqë ka mbështetjen e Sali Berishës, nuk u dëgjua asnjë fjalë për negociatat sekrete që kishte me Lulzim Bashën pas rrugëtimit përmes të njëjtit ashensor, as miqësinë që kishte me Rrahman Rrajën nga futja në parlament deri në dorëzimin e mandatit pas akteve kriminale të familjes së tij;
Madje nuk u sqarua roli i tij për, siç u tha, shpërndarjen e ftesave për ceremoninë e organizuar pë nder të Ish-Presidentit të SHBA, Bill Clinton, dhe injorimin e gjithë opozitës reale;
Dhe, sot, në shtetin e Edi Ramës, bazuar në Nenin 93 dhe 98, Pika 1 e Kushtetutës, me propozim të Kryeministrit, Presidenti i Republikës dekroton pë Ministër të Brendshëm, Taulant Ballën.
Sikur edhe të ndodhë ajo që thonë socialistët nën zë, se Edi Rama e ka emëruar ministër pë t’i përfunduar karrierën sikur Saimit Tahirit, sot, shteti u gjunjëzua para krimit duke mos gërmuar në as edhe një fakt të deklaruar, dhe, Taulant Ballës i pamundëson emërimin në krye të Rendit të Republikës së Shqipërisë!
Kur Shqipëria ngeli pa Gjykatë Kushtetuese, shefi i i Taulantit dhe Kryeministri i vendit, Edi Rama, tha:
“Ma mirë djepi bosh, se shejtani brenda!”
Rezultoi se nuk kishte të drejtë sepse mori djepin dhe e mbushi përplot me shejtan dhe asnjë gjyqtar!
Por, për çudi, sot nuk e përsëriti postulatin e tij arrogant që edhe mund të vlente për Ministrinë e Brendshme e cila është asfiksuar nga shejtanë të Sigurimit të Shtetit dhe një shejtan i dal nga duart e Fatos Nanos edhe mund ta bënte një spastrim etnik të këtij llumi komunist!
Apo, nuk është më vetëm çështje Sigurimi i Shtetit sepse leku i madh kriminal ka marrë dhenë, dhe pak rëndësi ka nëse në Zyrën e Ministrit është Myfit Libohova, Rauf Fico, Koçi Xoxe, Mehmet Shehu, Bledar Çuçi apo Taulant Balla!
