Me Nd/Sekretaren Donfried, Rama: Konsiderata për rolin e Shqipërisë në KS OKB dhe rajon

Pas takimit me Nd/Sekretaren Amerikane të Shtetit për Europën dhe Euro-Azinë, Karen Donfried, Kryeministri Edi Rama tha se u diskutua ecuria pozitive e reformave, situata në rajon dhe investimet strategjike në energji.

“Diskutuam gjerësisht për ecurinë pozitive të reformave, forcimin e drejtësisë, investimet strategjike në energji, veton e Bullgarisë ndaj Maqedonisë së Veriut, situatën në rajon, si edhe për mbështetjen e plotë që Shtetet e Bashkuara i japin Ballkanit të Hapur,” thekson Kryeministri Edi Rama duke veçuar konsideratat e Nd/Sekretares për rolin e Shqipërisë në Këshillin e Sigurimit dhe në rajonin tonë që ishin mbresëlënëse.