Më në fund, deputetët e Lulzim Bashës e kuptojnë çka është “fyerje inteligjence”, i kërkojnë dorëheqje

S’kam humbur asnjë garë, i kanë vjedhur! Ishte kjo fjala magjike e dalë nga goja e Lulzim Basha edhe në mbledhjen e Grupit Parlamentar e cila bëri që deputetët e Partisë Demokratike të reflektojnë pas rojes së PD i cili me kohë iku për tu mos u bërë pis nga Basha, për të kuptuar pas zgjedhjeve të 6 Marsit se çfarë do të thotë kur dikush të “fyen inteligjencën”, dhe që ishte shumë shumë më e rëndë se kërkimfalja e Sali Berishës me të cilën u fye tashmë diktatori i PD, Lulzim Kunat Basha.

Në mbledhjen e Grupit Parlamentar të PD askush nuk priste që Lulzim Basha të qante pse humbja ishte katastrofike por askush, gjithashtu, nuk e priste që Lulzim Basha të qeshte sikur kur fliste deputeti i Lushnjes!

Dhe, kur jemi te Lushnja, aty ku humbja është më e thellë pasi e gjithë partia u angazhua për fitoren e Indrit Sefës nuk ishte shqetësim për Lulzim Basha. Këtu Grupi Parlamentar e kuptoi se nuk kishte humbur por humbja ishet e sigurt vetëm se ra në kurthin e Lulzim Bashës, duke u degjenerua me vetëm 10% të votave të fituara!

Askush nuk i kërkoi llogari Lulzim Bashës se kush ishin ata njerëz të Luan Hotit në Durrës që paguan familjet durrsake të mos dalin në votim, as për njerëzit që u takuan me Ulsi Manjën ose dhe për njerëzit që me lekë në dorë përndjeknin militantët e PD që kishin vendos të votojnë Elton Banon dhe Bardh Spahinë, por Grupi Parlamentar i kërkoj llogari se si PD u rendit e treta në këtë garë të pjesshme vendore.

Shumica e deputetëve që mbështetën Lulzim Bashën, i kërkuan dorëheqje, por mbledhja e Grupit Parlamentar filloi ashtu si nisi, pa lidhje!

Debatet

Ferdinad Xheferraj: Jam më i vjetri dhe me eksperiencë, s’kam ambicie, por përgjegjësi për PD. Berisha s’është zgjidhje dhe e ka mbyllur me PD, por t’i na ke fyer kur thua s’kam humbur asnjë garë. Duhet të largohesh si kryetar.

Lulzim Basha: S’kam humbur asnjë garë, i kanë vjedhur.

Dash Sula: Cila është zgjidhja kryetar? Se kështu mund të na thuash përsëri. Si i jep zgjidhje? Ke përgjegjësi ti dhe ne. Nuk na beson më asnjë kështu.  

Ilda dhori: Të hapen zgjedhjet në parti. Duhet të ikesh, duhet të hapet gara në PD. Berisha e ka mbyll duhet të zgjedhin demokratët cili na bashkon. 

Helidon Bushati: Duhet të jemi përtej egos, e shkatërruat PD ju dhe Berisha. Duhet të ikësh. Duhet Kongres pajtimi. Të bashkohemi! Duhet Kongres pajtimi me pjesëmarrjen e të dy rrymave ku për të mirën e përgjithshme disa duhet të bëjnë një hap prapa.

Agron Gjekmarkaj: Të ngrihet një komision dhe PD të shkojë në zgjedhje të reja. Unë jap dorëheqjen nga funksionet e mia dhe mbetem deputet i thjeshtë. 

Lulzim Basha: Dy rrugë ka. Ose rrimë bashkë e bëjmë riorganizim ose ia dorëzojmë Sali Berishës. Synimi i Berishës është të marrë PD për t’u mbrojtur nga non grata.

Grida Duma: Tani para se të na drejtohesh ne me pyetje kam ynë një pyetje për ty: A ndjen ti kryetar përgjegjësi morale personale për këtë humbje?! Lideri në një parti politike është 90 % dhe numrat dy, tre apo 27 çfaredo të bëjnë nuk e zëvendësojnë dot as përmirësojnë dot liderin. Dëgjova që e nisët fjalën tuaj kryetar duke thënë ose me mua ose këtu do t’ju vijë Sali Berisha. Sali Berisha duke dashur t’ju mundë ju, mundi Partinë Demokratike. Në këtë garë për shkak të luftës midis Sali Berishës dhe jush humbi Partia Demokratike. Në këtë betejë ne bëmë gjithçka të mos e bënim betejën Berisha kundër Bashës por nuk e evituam dot. Ju thoni sot këtu “o të jem unë ose këtu do jetë Sali Berisha” pra o unë o askush nuk mundet. Ç’ka do të thotë që kulti i individit që po luftojmë është edhe më i rrënjosur. Nese doni te jeni i sinqerte vertete ju keni humbur shume beteja, dhe nga ky pranim nis zgjidhja. Nese doni te jeni i sinqerte beni pyetjen troç. Ka dy pyetje të mundshme qe mund te na besh. E para: Ju lutem behuni me mua te gjthe qe une te mbaj partine demokratike se keshtu dua une si individ. Pyetja tjeter eshte: Si do bejme qe pertej meje te ngreme partine demokratike per vete Partine Demokratike. Cilen pyetje po na drejtoni te paren apo te dyten?

Ramadan Lika: Nuk të kam kërkuar kurrë gjë dhe të kam kthyer Koplikun si fitues, jam gati të dorëzoj mandatin. Duhet zgjidhje, thua që nuk kemi humb, si nuk kemi humb jemi shkatërruar. S’duhet të dalim pa vendim që këtu.

Lefter Gështenja: Duhet te beni nje hap pas ju i pari pastaj me rradhe te gjithe, ne menyre qe te bashkohen demokratet ne baze. Nuk mund te vazhdohet me keshtu, duhet reflektim i thelle nga te gjithe, nga ju i pari, duhet te sakrifikojme te gjithe qe te shpetojme PD. Nese na dhimset vertete PD duhet ta bejme sot se neser do jete vone. Ju duhet te beni nje hap pas qe te bashkohen demokratet. Sot demokratet jane te ndare. Drejtuesit e partise nuk dalin ne terren jane larguar nga strukturat e PD shkojme vetem per fushata, nuk mund te vazhdohet keshtu. Nuk e kam parë kurrë PD si “lopë për ta mjelë”, por përkundrazi kam dhënë shume e s’kam kërkuar për të marrë gjë mbrapsht nga PD.

Elda Hoti: Duhet guxim, kemi turp nga familjaret. Dua të të tregoj realitetin, te kam thëne gëzoj respekt për ty dhe do te mbështes por tani po vihet ne diskutim dinjiteti. Nuk te pranojnë!”, tha Hoti.

Xhelal Mziu: Zoti Basha, zgjedhjet u humbën. Ju keni përgjegjësi dhe duhet të jepni dorëheqje.

Kasem Mahmutaj: Duhet një garë e hapur, të gjejmë kush e bashkon nëpërmjet zgjedhjeve. Ne mund të flasim gjithë natën por këtij debati i jep fund vota.

Emilia Koliqi: Bëj deklarate dorëheqjeje. Saliu është i ikur, largohu që te bashkojmë partine pa Berishën.

Oriola Pampuri: Ne e dinim qe do dilnim keshtu se ishin zgjedhje kurth po normale te bashkohemi me demokratet po ne terren. Mos ta kerkojme pergjegjesine vetem te Lulzim Basha. Kemi zgjedhjet 2023. Skemi kohë. 

Selaudin Jakupllari: Duhet të punojmë për bashkim, duhet të reflektosh. Berisha e ka mbyllur me PD por duhet të bashkojmë bazën.