Më në fund, dihet premtimi nga Samiti i NATO-s për Ukrainën

By Pa frike Last updated Kor 7, 2023 456

Liderët e vendeve anëtare të NATO-s do të konfirmojnë në Samitin e Vilniusit i cili do të mbahet javën e ardhshme, se Ukraina një ditë do të bëhet anëtare dhe do të bijnë dakord rreth mënyrës se si ta afrojnë drejt këtij qëllimi, tha Sekretari i Përgjthshëm i NATO-s, Jens Stoltenberg.

“Pres që liderët të konfirmojnë se Ukraina do të bëhet anëtare dhe të bijnë dakord rreth mënyrës se si ta afrojnë drejt këtij qëllimi,” tha Stoltenberg në një konferencë për media.

Premtimi për Ukrainën

“Nga Samiti do të çojmë mesazh të qartë, NATO është e bashkuar dhe Rusisë nuk do ti shpaguhet agresioni,” tha Stoltenberg.

Presidenti i Ukrainës, Volodymyr Zelenskyy, kërkon nga NATO premtime bindëse se Ukraina do të bëhet anëtare kur të përfundon lufta, të cilën e ka fillu Rusia.

Sekretari i Përgjthshëm i NATO-s tha se po punohet teksti i cili do të miratohet në Samit dhe ku do të theksohet nga aleatët, gatishmëria për të ofruar garanci për Ukrainën.

Në Vilnius do të mbahet takimi i parë i Këshillit NATO-Ukrainë, platformës së re, që do të thotë, forcim i statusit të Ukrainës në marrëdhënie me NATO-n, ku Kievi nuk kishte mundësi të bashkëvendoste për çështje të interesit të përbashkët.

Për dallim nga ky Këshill NATO-Ukrainë, do të jetë platforma për konsultime dhe vendimarrje ku Ukraina do të merr pjesë e barabartë për çështje të sigurisë së përbashkët.

Në takimin themelues të Këshillit NATO-Ukrainë pritet të marrë pjesë edhe Presidentii Volodymyr Zelenskyy, tha Sekretari i Përgjthshëm i NATO-s, Jens Stoltenberg.

Ndryshe, liderët e 31 shteteve anëtare të NATO-s, të martën dhe të mërkurën takohen në Vilnius. Ndër çështjet e rëndësishme që po bëhen përpjekje të zgjidhet para Samitit është heqja e bllokadës turke për anëtarësimin e Suedisë në NATO.

Pas sulmit rus ndaj Ukrainës, Suedia dhe Finlanda kanë hequr dorë nga historia e gjatë e neutralitetit dhe kërkuan anëtarësim në NATO. Ndërkohë që Finlanda u bë anëtare e NATO-s, Suedia vazhdon të bllokohet nga Turqia dhe Hungaria, ku kjo e fundit tha se do të heq dorë nga bllokimi nëse këtë e bënë shteti turk.

Ankaraja ka akuzuar Stockholmin si strehë e militantëve të partisë kurde, PKK, të cilën presidenti turk Recep Tayyip Erdogan e akuzon për financimin e grupeve terroriste dhe organizimin e demonstratave.