Më në fund e pranoi, Rama: Pa patronazhistët, PS s’do ishte kjo që është sot!
Pasi të gjithë pa dallim folën për patronazhistët , publikimin e të dhënave të qytetarëve dhe rrezikun nga ky grup i strukturuar kriminal, Kryeministri Edi Rama përveç se tha që ndihet krenarë me patronazhistët, shtoi se ata janë të shtrirë në të gjithë territorin ndërsa e pranoi se “kjo parti parti pa patronazhistët nuk do të ishte partia që është sot”.
“E pohoj me krenari që kjo parti pa patronazhistët nuk do të ishte partia që është sot. Siç nuk do të ishte pa patronazhistët as partia Republikane dhe Demokrate në Amerikë. Kanë emra të ndryshëm po bëjnë të njëjtën gjë, janë rrjeti i të gjithë partisë i shtirë në të gjithë territorin, që merr e jep me qytetarët, troket derë më derë dhe shënon perceptimin për hallet e njërit dhe të tjerit,” tha Edi Rama duke gënjyer dhe mashtruar opinionin shqiptar me patronazhistët amerikanë, të cilët ndryshe nga ata socialistë shqiptarë, derë më derë mbledhin ato të dhëna që u japin vetë mbështetësit e republikanëve dhe demokratëve dhe jo përmes AKSH-it ose e-albania!
Gjithsesi ai vazhdoi duke u shprehur krenar për këtë grup të strukturuar kriminal ndërsa fliste në një takim elektoral në Njësinë 5 në Tiranë:
“Unë njësoj si me mesazhet e Blendi Goxhes jam shumë krenar për patronazhistët e PS. Jam krenar për ata që në ndihmojnë, ndihmojnë deputetët, kryetarët e bashkisë, për të ditur se çfarë hallesh ka njëri e tjetri. Këta janë urat tona të panumërta me njerëzit, ndërkohë që sistemi ynë nuk ka ID-ra, por ama ID-rat ishin rrugëve deri para disa ditësh ku u mat se Carlo Bollino bleu për 15 dollar, ato që ishin në internet dhe u bllokua faqja. U them të gjithëve as mos e çani kokën fare, jo ju, po të gjithë atyre që ndihen të sikletosur se u ka dalë numri.”
Por Kryeministri i një shteti që gëzon liberalizimin e vizave dhe ka kartë biometrike të identitetit e zhvleftëson atë më shumë se teserën e partisë që ai drejton!
“Cili numër? Atë numër e lini kudo të shkoni për shërbime të caktuara dhe ajo kartë s’ka asgjë brenda, nuk është karta që ne do të kemi në të ardhmen, siç e ka e gjithë bota, ajo moderne, që ka brenda të dhëna për shëndetin tënd, për sigurimet e tua shoqërore, e që është e jotja, e s’e luan topi. Ajo është një numër, është si një patentë, si një licencë. U them që kjo është bërë nga Ilir Meta, së bashku me Lulin dhe Saliun në vazhdën e skenarëve, siç ishte marrja peng e aeroportit të Tiranës,” tha Edi Rama duke dhënë një arsyetim të çudtishëm të kësaj veprimtarie që ai e drejton dhe akuzoi Ilir Metën, suksesi i vetëm që ai korri sot është se bëri për të qeshur Ish-Kryeministrin dhe Ish-Mikun e Metës, Pandeli Majko:
“Tani ata po marrin peng njerëzit. Ne ndjekim Ilir Metën në çdo hap të mendjes së tij, e di si ia njoh mendjen. Unë e di ç’po mendon Ilir Meta tani, s’e kam pranë fare. Nëse më pas do të bashkëpunojë me Pandin, unë iu them çdo të thotë Meta të nesërmen të njëjtën orë.”
