Më në fund e sqaroi: Edi Rama u premtoi shqiptarëve pasaportë pacienti!
Ishte e nevojshme pjesëmarrja e Kryeministrit Edi Rama në edicionin e 20-të të Forumit Strategjik të Bledit, që të sqarohen edhe ata militantë komunistë që i besuan në fushatën zgjedhore të 11 Majit se pasaporta evropiane që ai premtoi ishte pasaporta e një pacienti.
Dhe, sot, që të jetë edhe më i besueshëm jo vetëm për ata që premtoi, Edi Rama tha se ky pacientë na paska 27 mjekë
“Europa është si një pacient me 27 mjekë, të gjithë patologë që mund të trajtojnë problemet që mund të ketë cdo organ. Dua tu them atyre që janë brenda në BE që të jenë më të lumtur, sepse është një vend shumë i mirë, për të gjithë ata që janë aty.
Problemet në Evropë nuk lidhen me faktin që Evropa është një bashkim duhet të jetë më i fortë dhe që shumë gjera duhet të ndryshojnë. Këta patologët duhet të specializohen, për të pasur një bashkim tërësor që kujdeset për të gjithë organizmin e pacientit, në të kundërt do kemi një rënie të pashmangshme.
Mendoj se problemi që ka Evropa është se çfarë drejtimi do të marrë. Do të thellohet në rrugën e saj për tu shndërruar në SHBA apo do të shpërbehet në copa të ndryshme se gjithsecilin se sateliti i kujt do të bëhesh, sepse nuk ka shans që të ndahesh dhe të dalësh nga ky klub i madh dhe pastaj të kesh ndonjë histori të lavdishme përveçse të bëhesh sateliti i dikujt tjetër,” tha Edi Rama ndonëse atyre që u fliste dhe ata që ishin në panel nuk e kuptonin fare me përjashtim të shqiptarëve që tashmë janë shumë të qartë se Kryeministri i tyre po i shpie drejt Bashkimit Evropian që, sipas tij, do të shpërbehet në copa të ndryshme sepse BE-ja as nuk ishte as nuk do të bëhet ndonjëherë Amerikë!
Në fund, Edi Rama sqaroi shqiptarët dhe arsyen pse nuk bëhet dot më shumë se sa Kryetar i Bashkisë Tiranë. Edhe pas 12 vitesh, kur BE i kërkon sundimin e ligjit ai e quan burokraci, dhe sot kur ka hap kapitujt negociues as nuk e kupton se sikur të harmonizonte ligjet me Bashkimin Evropian për gjithë këto vite sa u mor me arrestimin e opozitës, rrënimin e Kosovës, promovimin e Serbisë dhe Aleksandar Vuçiçit, normalisht se kapitujt negociues nuk do të ishin asgjë më shumë se sa konfirmime harmonizimi.
“Nga ana tjetër Evropa është makineria më e jashtëzakonshme burokratike e administratës, që mund të jetë një gjë e mirë nga ana tjetër, po nga ana tjetër hartimi i tepruar i rregulloreve edhe përpara se diçka të nisë, në Amerikë psh shpikin OpenAI, ndërsa në Evropë shpikin rregulloren që dikush të vijë të shkojë në të njëjtën drejtim. Kjo e bën Evropën më të vështirë si mjedis për biznesin,” tha armiku i biznesit në Theth, Kukës, Vlorë e gjithë Shqipërinë Edi Rama!
Ndryshe, Kryeministri Edi Rama në edicionin e 20-të të Forumit Strategjik të Bledit përveç këtij diskutimi mbi rolin e shteteve dhe të ardhmen e Bashkimit Europian, ishte edhe pjesë e panelit me Komisioneren për Zgjerim të Bashkimit Europian, Marta Kos, Kryeministrin e Kroacisë, Andrej Plenkoviç, Kryeministrin e Slovenisë, Robert Golob, dhe Kryeministrin e Malit të Zi, Milojko Spajiç.
