Me Osmanin, Stoltenberg: Mirëpresim hapat e Kosovës për uljen e tensioneve në veri!
Sekretari i Përgjithshëm i NATO-s, Jens Stoltenbeg, pas takimit në Bruksel me Presidenten e Kosovës, Vjosa Osmanin, tha se KFOR-i do të vazhdojë të përmbush mandatin duke ofruar siguri për të gjithë ndërsa u shpreh qartë se Aleanca ushtarake e mbështet fuqishëm dialogun mes Kosovës dhe Serbisë.
“Ne mirëpresim hapat e fundit të Prishtinës që janë ndërmarrë për të ulur tensionet, përfshirë zvogëlimin e numrit të forcave dhe planet për zgjedhje. Është esenciale të anashkalohen çfarëdo lloj eskalimi të mëtejme. I inkurajojmë të dyja palët të veprojnë sipas zotimeve të tyre,” tha Stoltenberg duke shtuar se për Aleancën Veriatlantike është thelbësore që të shmanget përshkallëzimi i mëtejmë në veri të Kosovës.
Dhuna ndaj pjesëtarëve të misionit të NATO-s në Kosovë, KFOR në veri të Kosovës, më muaj më parë, tha Stoltenberg, ka qenë e papranues ndërsa saktësoi se stabiliteti i rajonit varet nga të gjitha palët.
Nga ana tjetër, Presidentja e Kosovës, Vjosa Osmani, duke falënderuar NATO-n për prezencën dhe ndihmën e deritanishme në Kosovë për të ofruar siguri dhe stabilitet, tha se sulmet në veri ndaj pjesëtarëve të KFOR-it, qytetarëve dhe gazetarëve janë të papranueshme dhe sulmuesit duhet të dalin para drejtësisë.
“Jemi shumë mirënjohës për lidershipin e NATO-s në këtë kohë goxha të rëndë. Më lër të shpreh mirënjohjen e popullit të Kosovës për rolin e NATO-s për të shpëtuar jetët tona dhe rolin gjatë ditëve të sotme. E vlerësojmë rolin e NATO-s në zhvillimin e Kosovës. Sukseset e Kosovës janë suksese të NATO-s dhe për këtë jemi krenar që kemi demokracinë më të gjallë në rajon.
Duhet të jemi krenar për këto arritje. Saktësisht për shkak se Kosova është sukses historik i NATO-s, ka forca keqdashëse që duan ta sfidojnë dhe ta rrënojnë atë. Nuk duhet ta lejojmë këtë. Kosova dhe rajoni nuk duhet të sfidohen për shkak të keqdashjes ruse. Veriu i Kosovës ka qenë dhe do të vazhdojë të jetë pjesë e Republikës.
Nuk do të lejojmë që veriu të jetë fushëbetejë për arritjet hegjemoniste të autokratëve rajonall. Ne jemi për integrimin e veriut. I kam dënuar sulmet e 29 majit ndaj ushtarëve të KFOR-it që janë organizuar nga krimi serb. Mendimet tona janë me ushtarët e lënduar,” tha Presidentja Vjosa Osmani duke shpreh gatishmërinë e Kosovës që në bashkëpunim me NATO-n t’i sjellin para drejtësisë kriminelët që sulmuan ushtarët e KFOR-it, gazetarët e njësitet policore në veri të Kosovës gjatë fund të majit.
Orientimi i Kosovës, tha në fund Presidentja Vjosa Osmani, mbetet i qartë, synimi është anëtarësimi në NATO.
