Me Quintin, “Milosheviçi i ri”: Ndaloni Kurtin të shkaktoj luftë të re në Ballkan!
Derisa në Kosovë u mbledh Këshilli i Sigurisë për të diskutuar lidhur me situatën e krijuar pas rrëmbimit të tre policëve kosovar nga forcat serbe, Presidenti i Serbisë, Aleksandar Vuçiç, mbajti një takim me Ambasadorët e vendeve të Quintit dhe BE, çuditërisht duke rikthyer retorikën e Slobodan Milosheviçit të fillim viteve ’90 ku vetëm ai dhe Serbia nuk ishin fajtore, sipas tij, dhe ishte vetëm ai që ndezte vatra të reja lufte në Ballkan.
“Bisedova me përfaqësuesit e BE dhe Quintit. I luta të bëjnë gjithçka që është e mundur dhe të ndalojnë Kurtin që shkaktoj luftë të re në Balkan,” u shpreh Aleksandar Vuçiç përmes rrjetit social Instagram pas takimit me përfaqësuesit e vendeve të Quintit – Shteteve të Bashkuara, Britanisë së Madhe, Francës, Italisë, Gjermanisë dhe shefin e delegacionit të Bashkimit Evropian në Serbi.
Ndryshe, pas rrëmbimit të policëve kosovar në territorin e Kosovës nga forcat serbe, Presidenti i Serbisë, Aleksandar Vuçiç, u mundua ta arsyetoj këtë veprim kriminal në televizionin publik serb, RTS, duke deklaruar se arrestimi ishte bërë 1.8 kilometra brenda territorit serb gjatë një operacioni special që po zhvillonin, duke harruar një detaj thelbësor që binte në kundërshtim me reagimin e kriminelit Lune në veri të Mitrovicës!
Me rastin e arrestimit të Milun Milenkoviç – Lune, zyrtarisht Serbia tha se pjesëtarë të Njësitit Special të Policisë së Kosovës, në rroba civile kryen arrestimin e Lunes, ndërkohë në mal kur rrëmbyen policët kosovarë që na paskan qenë në operacion special, ata ishin në uniformë! Një idiotizëm që vetëm goja e një serbi mund të nxjerrë ose dhe një Milosheviç i ri, i cili në sy të Evropës, ashtu si shefi i tij në vitin 1999, Slobodan Milosheviç, po përgatit një konflikt i cili edhe mund të jetë porositur nga Vladimir Putin, por fajtori nuk do të kërkohet më në Moskë, por në Bruksel!
