Me qytetarët e Tiranës, Tabaku: Situatë më e rënduar se përpara 25 prillit! Shpëtimi…

Situatë shumë më e rënduar se përparaa 25 Prillit, konstaton Nënkryetarja e Partisë Demokratike, Jorida Tabaku, gjatë takimit me qytetarë dhe pronarë të bizneseve në Njësinë Bashkiake Nr.2 në Tiranë, duke vlerësuar se shpëtimi i vetëm është rikthimi i pushtetit nga duart e politikës së lidhur me krimin dhe oligarkinë tek qytetarët .

“Situata është më e rënduar se sa ajo përpara 25 prillit. Ne duhet të jemi aty për to! Shqipëria sot është në një krizë të thellë që po ua vështirëson jetën qytetarëve edhe si pasojë e një shteti që mendon për interesin e tij personal,” thekson Nënkryetarja e PD, Jorida Tabaku në reagimin e saj përmes rrjetit social Facebook pas takimit me qytetarët në rrugën Petro Nini Luarasi në Tiranë ndërsa përfundon:

“Rruga e shpëtimit është një betejë për t’ia rikthyer qytetarëve pushtetin nga duart e politikës së lidhur me krimin dhe oligarkinë.”

Statusi i plotë:

Hallet e shqiptarëve janë të shumta, rënia e konsumit, biznese që kanë edhe më pak xhiro.

Nuk zgjidhen hallet e qytetarëve dhe as demokratëve duke e kthyer opozitën në bunker personal.

Më pak fitime si pasojë e situatës së ekonomisë post pandemi edhe keqmanaxhimit.

Ndërsa takoja qytetarët në rrugën Petro Nini Luarasi, ata kërkonin një opozitë të flasë për hallet e tyre jo për hallin tonë!

Situata është më e rënduar se sa ajo përpara 25 prillit. Ne duhet të jemi aty për to!

Shqipëria sot është në një krizë të thellë që po ua vështirëson jetën qytetarëve edhe si pasojë e një shteti që mendon për interesin e tij personal.

Rruga e shpëtimit është një betejë për t’ia rikthyer qytetarëve pushtetin nga duart e politikës së lidhur me krimin dhe oligarkinë.