Me reporteren për Shqipërinë në PE, Kryetari i Gr. PD: PS të heqë dorë nga kontrolli i drejtësisë!
Përpjekjet e opozitës që Shqipëria të ketë një Parlament funksional ishte fokusi i bisedimeve të Kryetarit të Grupit Parlamentar të PD, Gazmend Bardhi në takim me reporteren për Shqipërinë në Parlamentin Europian, Isabel Santos, ndërsa Kryetari i Grupit Parlamentar të Partisë Socialiste, Bledi Çuçi, nuk kishte tjetër rezultat përveç se arritjes së dakordësisë me opozitën për rikthimin në normalitet të jetës parlamentare
“E informova për përpjekjet e opozitës që Shqipëria të ketë një Parlament funksional, që respekton të drejtat kushtetuese të opozitës, lejon kontrollin efektiv ndaj Qeverisë, dhe që punon në interes të qytetarëve. Moszbatimi nga Kuvendi i vendimeve të Gjykatës Kushtetuese është minim i parimeve të shtetit ligjor dhe akti më brutal antikushtetues i ndodhur në 33 vite. Mazhoranca duhet të heq dorë nga tentativa për të kontrolluar politikisht institucionet e drejtësisë dhe nga çdo përpjekje për të ndërhyrë në punët e organeve të drejtësisë.
Gjithashtu, e informova për bllokimin 2 vjeçar të Reformës Zgjedhore nga mazhoranca dhe nevojën që ka Shqipëria, si vend kandidat për anëtar të BE, që të realizojë zgjedhje të lira dhe të ndershme vitin e ardhshëm,” tha Kryetari i Grupit Parlamentar për takimin me Reporteren për Shqipërinë në PE ku dhe e ka siguruar:
“Për opozitën përmbushja e rekomandimeve të OSBE/ODIHR, garancitë për barazi të palëve në zgjedhje, dhe zbatimi i vendimeve të Gjykatës Kushtetuese, janë një prioritet jo vetëm i shpallur, por pikënisja e një reforme kuptimplotë zgjedhore, që duhet përmbyllur sa më parë në kohë.”
Ndërsa e vetmja gjë me të cilin mund të mburrejt Kryetari i Grupit Parlamentar të Partisë Socialiste, Bledi Çuçi, sot e bëri në takim reperteren për Shqipërinë në Parlamentin Europian, Isabel Santos, platformën e re të dialogut politik me opozitën në Komisionin e Ligjeve .
“Diskutuam për avancimin e procesit të integrimit të Shqipërisë drejt BE-së dhe domosdoshmërinë e ngritjes së rolit të Kuvendit në një nivel tjetër mbikëqyrës të negociatave. E informova për platformën e re të dialogut politik me opozitën brenda Komisionit të Ligjeve si një mekanizëm për të diskutuar për ligjet që kërkojnë shumicë të cilësuar,” u shpreh Bledi Çuçi duek vlerësuar rikthimin e opozitës në normalitet pas katër muajve të kaosit parlamentar ndërsa përfundoi.
“Rikthimi i opozitës në normalitet është një sinjal i mirë pas disa muajsh kaosi e sjelljesh aspak europiane. Ne jemi të përkushtuar të vijojmë me reformat dhe të shfrytëzojmë këtë moment të ri të procesit të zgjerimit të BE.”
