Me Soderberg, Kurti: NDI, rol në demokratizimin e partive politike

Në takim me drejtoren e Institutit Demokratik Kombëtar, Nancy Soderberg, Kryeministri i Kosovës, Albin Kurti, vlerësoi rolin e NDI në demokratizimin e partive politike, forcimin e shoqërisë civile, avancimin e transparencës dhe llogaridhënies institucionale.

“Në këtë takim u fol për rëndësinë e progresit demokratik, që përveç që është punë e përpjekje e vazhdueshme e Institutit Demokratik Kombëtar, është edhe në prioritetet e Qeverisë së Kosovës sa edhe në rezultatet e saj,” thekson Qeveria e Kosovës përmes komunikatës duke falënderuar Soderberg për angazhimin e saj në krye të këtij instituti dhe për bashkëpunimin e deritanishëm.

Ndryshe, në takim me drejtoren e NDI, Nancy Soderberg, Kryeministri i Kosovës, Albin Kurti, ishte i shoqëruar nga ministri i Kulturës, Rinisë dhe Sportit, Hajrulla Çeku dhe Ish-Kryetari i Komunës së Prizrenit, Mytaher Haskuka.