Me urdhër të Marko Gjuriçit, autoritetet kosovare lirojnë pesë serbët e arrestuar

Vetëm një orë pas kërcënimit të Drejtorit të Zyrës për Kosovën pranë qeverisë së Serbisë, Marko Gjuriç, edhe pse ky i fundit i kishte dhënë autoriteteve kosovare afat deri në darkë, ata nuk e kontestuan “urdhërin” e Gjuriçit, liruan pesë serbët që kishin shkelë rëndë rendin kushtetues të Kosovës, gjë të cilën e pranoi edhe interpretuesi i presidentit të Serbisë, Aleksandar Vuçiç.

Kryeprokurori i Prokurorisë Themelore në Gjilan, Jetish Maloku u mundua të sqaroi se pesë të dyshuarit serbë që janë arrestuar sot në mëngjes nga Policia janë liruar në procedurë të rregullt edhe pse armët, municionet dhe kërcënimet ndaj pjesëtarëve serbë të FSK-së ngelën vetëm fakte.

Sipas Malokut ata pas arrestimit janë sjell në Polici, janë marr në pyetje nga hetuesit për krime të rënda dhe të njëjtit janë liruar me urdhër të prokurorit.

Sipas tij rasti mbetet nën hetime ndërsa pesë serbët dyshohen për sulm ndaj rendit kushtetues e që sipas tij kanosje ndaj pjesëtarëve të FSK-së të nacionalitetit serb.

Pas rastit me gylenistët, ky është dështimi i rradhës të autoriteteve të Kosovës ku urdhër japin autoritetet e shteteve të treta, dhe çështja mbetet pa fajtorë. As me këtë rast përgjegjësinë nuk e mori as Ministri i Drejtësisë, as ai i Brendshëm sepse për përgjegjësinë e kryeministrit as që bëhet fjalë. Ai vazhdon të mendoj se është i pagabueshëm edhe pse shteti që ai drejton është në shkallën e fundit të degradimit.