Me Vuçiçin, Rubio: Diskutuam për Dialogun Strategjik dhe pjesëmarrjen e SHBA-së në EXPO 2027
Pas takimit me Presidentin e Serbisë, Aleksandar Vuçiç, në selinë e Kombeve të Bashkuara, Sekretari amerikan i Shtetit, Marco Rubio, bëri të ditur se u diskutua për Dialogun Strategjik dhe pjesëmarrjen e SHBA-së në EXPO 2027, ndryshe nga Presidenti i Serbisë dhe mediat e tij që ka në shërbim në Beograd se u bisedua për mbrojtjen e sigurisë së popullit serb në Kosovë!
“Më vjen mirë që e shoh përsëri Presidentin serb Aleksandar Vuçiç sot në New York. Diskutuam për Dialogun Strategjik që dy kombet tona do të nisin së shpejti dhe pjesëmarrjen e SHBA-së në EXPO 2027, të dyja mundësi për të forcuar më tej marrëdhënien tonë dypalëshe, ndërsa kërkojmë të ndërtojmë një të ardhme më të mirë së bashku,” u shpreh Marco Rubio përmes rrjetit social X për takimin që u zhvillua në mes të dy pjesëmarrësve në Asamblenë e Përgjithshme të OKB.
Good to see Serbian President @avucic again today in New York. We discussed the Strategic Dialogue our two nations will launch soon and U.S. participation in EXPO 2027, both opportunities to further strengthen our bilateral relationship as we seek to build a better future… pic.twitter.com/vRphfOBOFe
— Secretary Marco Rubio (@SecRubio) September 23, 2025
“Theksova se Serbia është e përkushtuar për ruajtjen e paqes dhe stabilitetit, si parakusht për çdo përparim të mëtejshëm dhe një jetë më të mirë për të gjithë qytetarët, duke shprehur mirënjohje për rolin e Shteteve të Bashkuara në mbrojtjen e sigurisë së popullit serb në Kosovë, si dhe për kontributin e tyre në procesin e dialogut midis Beogradit dhe Prishtinës,” tha Aleksandar Vuçiç përmes rrjetit social Instagram pas takimit me Marco Rubion duke përfunduar:
“Në të njëjtën kohë, ne vlerësojmë mbështetjen e SHBA-së në rrugën tonë drejt anëtarësimit të plotë në Bashkimin Evropian, i cili përfaqëson një nga qëllimet strategjike të vendit tonë.”
