Media dhe Gjykata e Edi Ramës, nesër regjistrohet “Bindja Demokratike”, më 30 Qershor në zgjedhje!

Media, Gjykata dhe KQZ nën kontrollin e Edi Ramës bëjnë të ditur se nesër do të regjistrohet në Gjykatë dhe më pas në Komisionin Qendror të Zgjedhjeve partia e re “Bindja Demokratike” me kryetar Astrit Patozin. Këtë e ka konfirmuar për mediat nën kontrollin e Edi Ramës, Fabian Topallaj, aktualisht anëtar i Këshillit Bashkiak nga PD dhe akuzues dezhurn i Lulzim Bashës.

Nesër, partia “Bindja Demokratike” me themeluesit e partisë, Leonard Olli, Fabian Topollaj, Ardian Kollozi etj. do të regjistrohet në Gjykatë dhe më pas në Komisionin Qendror të Zgjedhjeve, që është afati i fundit zgjedhjet vendore të 30 Qershorit:

“Bindja Demokratike do marrë pjesë në zgjedhje. Unë do të jem anëtar i ‘Bindjes Demokratike’. Po përgatisim dokumentacionin, nesër e dorëzojmë në gjykatën,” sqaroi Fabian Topollaj duke i dhënë fund kështu si thashethemeve ashtu dhe garës thelbësore për Kryetarin e partisë së re; Deri sa partia e re ka kohë që ishte nëplanet e atyre që i bashkon kauza “AntiBashë”, ata nuk ishin dakord rreth emrit të Kryetarit. Madje ishte i papranueshëm edhe emri i Rudina Hajdarit.

Ndryshe, deri sa nesër pritet jetësimi i krijimit të partisë së re nën kujdesin ekskluziv të Edi Ramës, pritet të shikohet në praktiktë si mund të regjistrohet brenda një dite, një partië në një gjykatë shqiptare, kur një qytetar nuk mund ta dorëzoj as edhe një kërkesë nëse punonjësi i gjykatës nuk është me humor të mirë. Aq më shumë si ditë e parë pas festave…