Mediat e Nuredinit, dhe zjarrëfiksit e Tigrit!
nga Agim Popoci
Po ato media që na servirën me ditë e muaj të tëra dëshmitë që sipas SPAK i ka dhënë i akuzuari për 12 vrasje Nuredin Dumani, arritën të bllokojnë gjithë deklaratat e Ish-Zv/Kryeministrit Arben Ahmetaj me idenë se heshtja do ti mbuloj gjithë atë lumë me akuza mbi Kryeministrin Edi Rama, Zv/Kryeministren Belinda Balluku dhe Kryetarin e Bashkisë Tiranë, Erion Veliaj!
Në ndihmë të fikjes së zjarrit që ndezi Arben Ahmetaj i erdhën edhe analistët në këto media kriminale duke hedhur dyshime mbi vërtetësinë e këtyre deklaratave kur ky person ka heshtur në kohën sa ishte Zv/Kryeministër!
Në pamje të parë, kjo mund të thuhet se është plotësisht e drejtë, por përveç Arben Ahmetajt, në kohën për të cilën flet Tigri i famshëm, kanë heshtur edhe këta analistë dhe mediat ku ata cicërojnë ndërsa e gjithë bota fliste për një vend që po kanabizohej dhe korrupsioni po lulëzonte ndërsa kulmoi me zyrtarin e lartë të FBI, Charles McGonigal!
Dhe, janë po këto media dhe po këta analistë që flisnin me shumë zellë për ato që fliste i akuzuari Nuredin Dumani sikur janë e vërteta e botës; Dhe, kur dëshmia e tij si bashkëpunëtor i drejtësisë çoj në gjyq 19 persona, dhe gjithçka u mohua nga të akuzuarit në seancën e GJKKO, të gjithë heshtën në këtë fillimjanari thuajse asgjë nuk kishte ndodhur në kompanitë e tyre mediatike që vazhdojnë dhe i shpëlajnë trurin këtij mileti!
Pavarësisht se mediat e Nuredin Dumanit të përdorura nga SPAK, servirën rrëfimin e Nuredinit si të vërtetën e vetme, tashmë është e qartë se vetëm provat mund të fajësojnë ligjërisht ata që i akuzon bashkëpunëtori i drejtësisë!
Ndryshe nga akuzat e Tigrit, që kanë dëshmitarë dhe janë ministra nën betim, që mund të fasin për SPAK për vërtetësinë e këtyre akuzave, pavarësisht mosbesimit që tregoi Arben Ahmetaj për Prokurorinë e Posaçme!
Nëse kësaj i shtojmë edhe argumentin se 24 vjet më parë Edi Rama kërkonte bir nëne ose bir kurve që do fliste se ai i ka futur dorën në xhep, tani të tillë ka me shumicë, madje flasin për akuzën edhe më të rëndë, xhepin e shtetit që është shumë i madh, nuk është e qartë pse Kryeministri mundohet ti zhduk nga faqja e dheut gjithë ato akuza të rënda!
Mediat dhe analistët e Edi Ramës nuk kanë nevojë të na tregojnë se Arben Ahmetaj heshti kur ishte Zv/Kryeministër, sepse ishin po ata vetë që heshtën kur doli fotoja e “Darkës te Nysreti” dhe Tigri e banalizoi me një darkë kur shkuan për të ngrënë bukë në një mensë mishi!
Por, ky është Arben Ahmetaj që shkon në mensë mishi për të ngrënë bukë, aty ku nuk shkel dot 99.99 % e shqiptarëve dhe nuk e konsideron se ndodhi hataja, dhe, sot, kur Edi Rama nuk i jep një gllënjkë nga vera 33 mijë euroshe ai flet, akuzon për shumë çështje edhe që janë thënë nga opozita; Dhe, kjo nuk do të thotë se i gjithë pushteti politik e juridik ka të drejt që refuzon të vërtetoj ato që thotë Tigri!
Edhe kur u zbulua skandali me patronazhistët Arben Ahmetaj heshti dhe sot që zbulon patronazhistët në familjen e tij ose më sakt dadon, ai me të drejtë acarohet; Por kjo nuk do të thotë se duhet të shpërfillet cilësimi që ai i bënë Kryeministrit Edi Rama, kreu i organizatës kriminale, dhe SPAK duhet të fik televizionin ku transmetohet intervista me Ish-Zv/Kryemnistrin!
Arben Ahmetaj nuk është se nuk e dinë por me bindje të plotë e thotë në intervistë se kjo që qeverisë nuk është Parta Socialiste, sepse është po kjo parti nga viti 1944 që prodhoi edhe njeriun si Nuredini, miletit që i beson, mediat që e mbrojnë dhe analistat që i binden!
Dhe, akuzën që Arben Ahmetaj i bënë SPAK-ut, qëndron jo vetëm pse kreu i organizatës kriminale tha se e themeloi PS, por, të gjithë njerëzit normal në këtë vend që nuk u shkon as nëpër mend për ndonjë gllënjkë e verës Romanée Conti, e kuptuan sapo u krijua se jo vetëm Prokuroria e Posaçme por e gjithë Reforma në Drejtësi është nën kontrollin e Sigurimit të Shtetit!
Pse e gjithë kjo histori përfundon me Arben Ahmetajn në liri që rrëfehet, vetëm meritë e Tigrit inteligjent nuk është, ndërsa mosreagimi qytetarë është shqetësues jo vetëm për shqiptarët por edhe për afrikanët që Meloni mendon ti sjell në Shengjin dhe palestinezët që Izraeli mendon ti sjellë në Durrës e Fier!
Heshtën apo jo mediat e Nuredinit dhe zjarrëfiksit e Tigrit, pak rëndësi ka…
