Mediat e Xhaxhi Edit e kapën DASH-in për brirë!
nga Agim Popoci
Xhaxhi Edi është lodhur duke tund dokumentet e amerikonit mbi mbështetjen e pushtetit të tij të qëndrueshëm komunist, por mediat që ka nën kontroll e mbajtën linjën e parë të frontit me shumë fanatizëm të kuq, duke konfirmuar zellin e tyre proletar së fundi edhe kur Amerika foli keq për Xhaxhin, krijuesin e tyre!
DASH-i foli me tone kritike për klimën e biznesit në Shqipëri, dhe pronarët e mediave të Xhaxhi Edit nuk i kthyen si zakonisht antenat nga Moskovi, por tashmë si pronarë strategjikë e kapën DASH-in për brirë, e shtrinë për toke dhe e zhdukën nga faqja e dheut këtë Raport që guxon e flet për të vërtetën, për investitorët e huaj që ishin objekt i shantazheve nga administrata publike, grupet kriminale, dhe, ajo që nuk është parë në botën e civilizuar, mediat!
Po, është ky DASH që heshti kur Edi Rama e kanabizoi Shqipërinë, PPP-të i dha në mënyrën më kriminale të mundshme, kur e zhduku konkurrencën ashtu si dhe Portin e Durrësit, rilindi Ballkanin e Hapur ashtu si dhe manipulimin e shifrave të turizmit, eksporteve, dhe së fundi kursin e valutës kryesore për shkëmbimin tregtar – Euro, që shkatërroi si bujqësinë ashtu dhe prodhimin vendor.
Dhe, sot, kur pandehur DASH thotë se investitorët e huaj vazhdojnë ta perceptojnë Shqipërinë si një vend të vështirë për të bërë biznes për shkak të korrupsionit në sektorin publik, sistemin gjyqësor dhe prokurimet publike edhe me Diellën nëpër këmbë, konkurrencën e padrejtë dhe të deformuar, ekonominë e madhe informale,
pastrimin e parave, ndryshimeve të shpeshta në legjislacionin fiskal, të drejtave mbi pronën, dhe, zbatimit të dobët të kontratave, biznesi shqiptar pyet veten se kujt i duhet ky Raport edhe pse nuk u publikua nga asnjë medie kombëtare, përderisa Kryeministri i tyre që nuk tund më dokumente dhe telegrame mbështetjeje nga Amerika, u ul në fronin që nuk e kishte menduar kurrë njeri, atë të kriminelit më të madh të kombit shqiptar, Xhaxhit Enver!
Diktatura e Xhaxhi Edit për ca nuanca mund të dalloj nga ajo e idhullit të tij, sepse sot nuk kemi një Byro por një pjesë të konsiderueshme të popullsisë që është e kriminalizuar, shteti që pretendon të anëtarësohet në BE nuk vret më por ka hapur portën e ferrit dhe të gjithë ata që nuk hajn kokat e i tyre i detyron të varin veten nga dinjiteti i nëpërkëmbur vetëm për 20 mijë lekë drita të papaguara; Këtij shteti të Xhaxhi Edit nuk i duhen më as kampe përqendrimi sepse ka kosto, ama gjithë kampet e Evropës i ka mbushur me shqiptarë të cilët i ka detyruar të emigrojnë për bukën e gojës, dhe, ndërsa pensionistët shqiptarë ulërijnë për lëmoshën që u jep Xhaxhi i tyre, homologët e tyre evropianë kanë filluar ta popullojnë Shqipërinë e shkelur me këmbë, me lejen e liderëve të Evropës që vazhdojnë e argëtohen me këtë kloun për 12 vjet që kurrë nuk u bë shtetar, ama kishte lejen për t’u bërë Diktator!
Sot, ata pak shqiptarë që kanë ngelur të jetojnë në këtë vend të mbaruar nuk arrijnë të kryejnë asnjë lloj pune pa korrupsion, por shumica e popullsisë që Xhaxhi Edi e quan Patronazhistë kanë luajtur një rol thelbësor në atë që Raporti i DASH-it e quan Vlerësim i Shqipërisë në Indeksin e Perceptimit të Korrupsionit të Transparency International, dhe konstaton se ai u përmirësua për pesë pikë, por, biznesi duke përfshirë edhe atë amerikan, vazhdon të theksojë se sfidë kryesore në këtë vend është korrupsioni në sektorin publik, sistemin gjyqësor dhe prokurimet publike!
Disa investitorë amerikanë kanë pasur mosmarrëveshje komerciale të ashpra me entitete publike dhe private, dhe çuditërisht sipas Raportit të DASH, drejtësinë nuk e kanë kërkuar në atë sistem të cilin e instaloi Amerikoni i Xhaxhi Edit, me vetting, SPAK, BKH e GJKKO, por në arbitrazh ndërkombëtar! Kjo ishte habi e madhe për botën por jo edhe për biznesin shqiptar, i cili sapo e nxori nga goja shumë vite më parë u anatemua si Biznes i Saliut, dhe në menynë e tijë Shërbëtorjaj e Xhaxhi Edit e punësuar në Ambasadën e SHBA në Tiranë, serviri vetëm, bar!
Prona ishte dhe ngeli problem i madh për biznesin në Shqipëri që nga viti 1945 kur partia e Xhaxhi Edit plaçkiti popullin shqiptar. Raporti i DASH thekson se ka pasur raste ku individë dyshohet se kanë manipuluar sistemin gjyqësor për të siguruar tituj pronësie të paligjshëm, dhe këtu ndonëse mediat e Xhaxhit mund ti lëshojnë DASH-it për ca çaste brirët, presin nëse do të figurojnë në këtë Raport ato pak si shumë prona, që i kanë vjedhur po këta pronarë mediash!
Shfletimi i Raportit është i kot, figuron se është e vështirë të sigurohet një titull i qartë pronësie, por siç duket e kanë harruar dhe faktin se edhe kur ky titulli është njohur në Gjykatën e Strasbugut, shteti i Xhaxhi Edit as nuk e ka kthyer dhe as nuk e ka kompensuar!
Fatura e kompensimit prej miliarda eurosh i pret ata që i hapën portën e BE-së për vitin 2030 dhe mbyllën sytë në Bruksel, ndërsa Amerikoni që mendon se mund ta ndryshoj realitetin shqiptar dhe të ndaloj pastrimin e parave të kokainës në Shqipëri, para se të filloj me numërimin e kullave me para kokaine në Tiranë, le ti numëron ato në Florida, aty ku pak rëndësi ka nëse mediat e Xhaxhi Edit e kapin ose jo DASH-in për brirë!
Në fund, jo pa qëllim, ndryshimin e Raportit të DASH nga Epoka Biden, shumë biznese ia atribuojnë Administratës Trump, dhe sot theksojnë se fluksi i madh i të ardhurave të paligjshme nga trafiku i drogës dhe kontrabanda deformojnë konkurrencën në treg, mediat e Xhaxhi Edit mundohen të shpëtojnë atë që është për t’u shpëtuar duke kapur DASH-in për brirë, por, mungesa e kultivimit të drogës në Raportet e 12 viteve, jo vetëm që ka lejuar të trafikohet drogë, por, të rriten dhe tre breza maturantësh që nuk do ta kenë më mendjen te puna por te bursa e kokainës, e për Universitet nuk i hynë më askujt në punë aq as Raporti i DASH-it e Xhaxhi Edi sikur të ngordhë që nesër; Ky vend i bekuar nga Zoti tashmë është i mallkuar nga Edi Rama dhe amerikoni i tij që bëri pis gjithë botën, George Soros me këlyshin e tij, Alexin!
