Mediat serbe: Ushtria e Serbisë është gati për luftë!

Ushtria e Serbisë dhe forcat tjera të sigurisë kanë rritë nivelin e gatishmërisë në gjithë territorin për shkak të situatës në Kosovë, në mënyrë që të rritet niveli i gatishmërisë dhe vendi të jetë i gatshëm për të gjitha sfidat. Shërbimet kanë intensifikuar aktivitetet e tyre në mënyrë që të parandalojnë veprimtarinë e agjentëve që po shpërndajnë lajme të rrejshme për Kosovën. Kështu shkruan e përditshmja serbe “Veçernje novosti” për situatën e krijuar mbrëmjen e së shtunës duke u gdhirë e diela, në momentin kur ishin vënë në zbatim vendimet e Këshillit të Sigurisë Kombëtare të Serbisë.

Duke ju referuar burimeve nga krerët e lartë shtetëror, gazeta shkruan se liderët e shtetit serb po shqyrtojnë edhe masat që duhet marrë për, siç thuhet, “shkeljen e Marrëveshjes së Brukselit dhe refuzimit pesëvjeçar  të shqiptarëve për të plotësuar obligimin – themelimin e Asociacionit të komunave me shumicë serbe.”

Kjo është ajo që kishte ndodhë në Këshillin e Sigurisë Kombëtare të Serbisë dhe pas vendimeve të marra, që  sipas “Veçernje novosti”,  janë shkaktuar si pasojë e të dhënave operative për  “planet e shqiptarëve për shkëputjen e veriut të Kosovës nga Serbia qendrore, pas paralajmërimeve të rrejshme se serbët do të shpallin autonominë në veri”.

“Në mbledhje është marrë vendimi për disa masa që kanë të bëjnë me Qeverinë e Serbisë, ushtrinë dhe forcat tjera të sigurisë në mënyrë që të rritet niveli i gatishmërisë dhe vendi të jetë i gatshëm për të gjitha sfidat”, përfundon e përditshmja serbe “Veçernje novosti” me fjalën e presidentit të Serbisë, Aleksandar Vuçiç pas takimit të Këshillit të Sigurisë Kombëtare të Serbisë!