Mediet serbe: Trump po fut njeriun e tij në dialogun Kosovë-Serbi

Përveç Francës, Gjermanisë, Holandës, të cilët dëshirojnë të inkuadrohen në finalen e dialogut Kosovë-Serbi, pritet që edhe SHBA të jetë pjesë e këtyre vendeve që do të inkuadrohen në finalen e këtij procesi.

Sipas të përditshmes serbe ”Veçernje novosti”, Shtetet e Bashkuara nuk janë të kënaqura me rezultatet e ndërmjetësueses së BE-së, Federica Mogherini, prandaj duan të angazhojnë një përfaqësues të tyre në këtë proces.

“Prandaj nuk përjashtohet që ‘fryma’, që ka nxitur debatin brenda BE rreth transparencës së dialogut dhe ngadalësimit të tij, ka arritur edhe në anën tjetër të oqeanit”.

Përfaqësuesi i SHBA-së, sipas “Veçernje novosti”, nuk do të njihej si ndërmjetës zyrtar, sepse për ndryshimin e formatit është i domosdoshëm miratimi i të dyja palëve, kështu që Beogradi mund të kërkojë përfshirjen e një përfaqësuesi rus nëse SHBA haptazi promovon vetveten.

“Kjo është arsyeja e këtij opsioni tani që përfaqësimi amerikan të jetë në nivelin e një këshilltari”, thekson burimi i “Veçernje novosti”.

Më parë, diplomatët e lartë amerikanë mbajtën takime në Ambasadën e SHBA-së në Bruksel me disa nga pjesëmarrësit në proces, por kuptuan se ky lloj popullariteti nuk ishte në favor, dhe tani po ndodh shumë më diskrete”, tha një burim i mirinformuar nga administrata e Brukselit.

Po sipas këtij burimi bëhet e ditur se “si rregull, përfaqësuesi i lartë i administratës amerikane do të ishte gjithmonë në Bruksel, kur të zhvillohet ndonjë dialog i nivelit të lartë”.

E pyetur se kur mund të zhvillohet raundi i ri i dialogut Kosovë-Serbi, zëdhënësja e Mogherinit është shprehur se “për momentin nuk ka të reja lidhur me këtë ccështje. Përkundër situatës së krijuar ku Beogradi zyrtar ankohet dhe bënë propagandë se Prishtina nuk dëshiron të vazhdoj dialogun për shkak të Asociacionit, Sekretari i Përgjithshëm i Presidentit të Serbisë, Nikolla Sellakovicc tha se e rëndësishme është që dialogu të vazhdoj.