Menaxhimi nga Qeveria Hoti, Vetëvendosje: Koronavirusi ka dalë jashtë kontrollit!

Lëvizja Vetëvendosje ka kritikuar qeverinë Hoti për menaxhimin e situatës me pandeminë COVID-19 duke konstatuar se koronavirusi i ka dalë nga kontrolli qeverisë, siç theksuan, ilegale.

Deputetja e Lëvizjes Vetëvendosje, Fitore Pacolli, tha se insistimi i qeverisë për gjendje të jashtëzakonshme nuk është zgjidhje.

“Insistimi i qeverisë për gjendje të jashtëzakonshme nuk është zgjidhje. Duhet zgjidhje të reja kreative që të bashkëjetojmë me virusin. Ky normalitet i ri kërkon përgatitje dhe qeveri të përgjegjshme.”

Ndërkaq, deputeti i Lëvizjes Vetëvendosje, Artan Abrashi tha se qeveria Hoti nuk ka vizion për menaxhimin e pandemisë COVID-19.