Mëngjes tragjik në Tiranë/ Makina përplas nënën me dy vajza, njëra ndërron jetë, tjetra po lufton me vdekjen…
Mëngjesi i së mërkurës u shënua me disa raste tragjike. I fundit dhe më i rëndi ndodhi në Kamzë kur një një nënë me dy vajza, 7 dhe 6 vjeçe, u përplasën nga një makinë në rrugë.
Për pasojë ka ndërruar jetë njëra prej vajzave të mitura, ndërsa tjetra po lufton me vdekjen në spital.
Policia bën me dije se më datë 08.08.2018, rreth orës 08:40, në rrugën e Kamzës, tek shinat e trenit, shtetasja R. K., ka humbur kontrollin e drejtimit të mjetit me targë AA071UA, duke u përplasur me një biçiklistë dhe më pas me këmbësorë.
Si pasojë e përplasjes ka ndëruar jetë shtetasja E. N., 7 vjeçe dhe janë dërguar në spital për ndihmë mjekësore shtetaset V. N., 29 vjeçe dhe E. N., 6 vjeçe, ku kjo e fundit ndodhet në gjëndje të rëndë shëndetësore.
Mjeti dhe drejtuesja ndodhen në vendngjarje, po kryhen veprimet e mëtejshme hetimore.
Ndërkohë policia pak minuta para këtij aksidentika bërë të ditur se rreth orës 08:25, në rrugën ”Kongresi Manastirit”, në tualetin e banesës, në vaskë, është gjetur pa shenja jete nga gjyshja, shtetasi J. B., rreth 22 vjeç.
Nga kqyrjet paraprake nuk rezulton të ketë shenja dhune në trup.
Po punohet për zbardhjen e rrethanave dhe përcaktimin e shkaqeve të vdekjes.
