Merdare, banditët serbë mbyllin “Ballkanin e Hapur” – Edi Rama hesht!

Barrikadat serbe vazhdojnë dhe shtohen nga banditët serbe ndonëse nga BE dhe SHBA vijnë thirrje për heqjen e tyre! Ndërsa për ata që kishin iluzione se Kryeministri Edi Rama nuk i gënjen me Ballkanin e Hapur, ëndrrat e tyre me vëllezërit serb u shuan mbrëmë kur u bllokua edhe vendkalimi i vetëm që kishte mbetur hapur si simboli i këtij projekti për qarkullimin e lirë të mallërave, Merdare, dhe u mbyllë nga bandat serbe, meqë pushteti i Aleksandar Vuçiçit ka dalë jashtë përdorimit.

Mëngjesin e sotëm mediat serbe raportojnë se vendkalimi Merdare vazhdon të jetë i mbyllur pasi populli vendosi barriakada dhe ashtu si pikat Jarinje dhe Brnjak, vazhduan të jenë nën kontrollin e barrikadave serbe, deri sa, sipas tyre, të plotësohen kushtet serbe, përkatësisht ato që i ka komunikuar vetë Aleksandar Vuçiç: lirimin e policit të arrestuar padrejtësisht Dejan Pantiç, tërheqjen e Njësisteve Speciale të Policisë Kosovës nga veriu dhe tërheqja e listave për arrestimin e serbëve, asnjëra nga këto kushte që kanë të bëjnë me realitetin në Kosovë.

Ndryshe, përveç vendkalimeve kufitare të Merdares, Jarinjës dhe Bërnjakut, që aktualisht janë të mbyllura, Kosova me Serbinë ka dhe tri pika të tjera kufitare: Mutivodë, Dheu i Bardhë dhe Muçibabë.