Merdare, më shumë se tetë orë pritje në dalje nga Kosova

Edhe mëngjesi i ditës së sotme i ka gjetur mërgimtarët duke pritur me orë të tëra në kufi. Kolonat nëpër pikat kufitare me Serbinë, sidomos ajo në Merdare, shkojnë deri në tre kilometër.

Në Merdare raportohet se për të dalë nga Kosova, qytetarëve ju duhet të presin më shumë se tetë orë, kurse te Dheu i Bardh pritjet për të dalë nga Kosova janë deri në dy orë.

Pritje të gjata raportohen edhe në pikën kufitare në Mutivodë, ku qytetarët duhet të presin deri në katër orë për të dalë nga Kosova, ndërsa kolona e automjeteve shkon deri në 400 metra.

E pritjet për të hyrë në Kosovë janë relativisht të shkurtra në të gjitha pikat kufitare.