Mërgimtarë kujdes, afër Dubovnikut një kali është futur në Autostradën A1

Në Autostradën A1 në Kroaci, në mes të kryqëzimit Jastrebarsko dhe vendpushimit Draganiç në drejtim të Dubrovnikut, është vërejtur një kali, raporton Auto Klubi Kroat, HAK, duke paralajmëruar rrezikun në rrugë ndërsa ju kërkon shoferëve kujdes gjatë drejtimit të automjetit.

Rekomandohet drejtimi i automjetit me shpejtësi të kufizuar deri në 80 kilometra në orë, thekson HAK mëngjesin e sotëm duke mos harruar pajisjet dimërore.
Rrugët janë të lagështa dhe vende-vende me rrëshqitje, ndërsa në disa vende ka dhe mjegull, paralajmëron HAK.

“I bëjmë thirrje shoferëve që shpejtësinë dhe drejtimin e automjetit t’ia përshtatin kushteve atmosferike, të ruajnë distancën e sigurt ndërmjet makinave dhe të mos dalin në rrugë pa pajisje dimërore ,” thekson HAK duke shtuar se nuk ka më radhë në pikat kufitare
Për shkak të kushteve dimërore në rrugë të caktuara ndalohet qarkullimi për kamionët me rimorkio dhe për automjetet që nuk kanë pajisje dimërore të përcaktuara në Qarkun e Zadrit.

Qarkullimi për të gjitha automjetet është mbyllur për shkak të reshjeve të dëborës dhe pemëve të rrëzuara në rrugë, në rrugët nacionale Duzluk-Kutjevo, Gornji Vrhovci-Polanska dhe Slatinski Drenovac-Jankovac.

Në disa rrugë nacionale të Istrës do ketë ndalim qarkullimi për mjetet me ngarkesë mbi 7.5 ton nga ora 14:00 deri në 23:00 h.

Aktualisht është ndërprerë linja e tragetit Lopar-Valbiska, si dhe linjat me katamaran Vis-Split dhe Ubli-Korçula-Dubrovnik.

Në vendkalimet kufitare me Serbinë dhe Bosnje Hercegovinën pritjet shkojnë deri në gjysmë ore për të hyrë në Kroaci, thuhet në raportin e HAK-ut mëngjesin e së hënës.