Mërgimtarët e pavaksinuar dhe pa test PCR, duhet të karantinohen në Kosovë

Të gjithë mërgimtarët që vijnë në Kosovë për festat e fundvitit do të duhet t’u përmbahen masave të miratuara nga Qeveria për parandalimin e përhapjes së COVID-19.

Kështu, Qendra për Menaxhim Kufitar, i bënë me dije të gjithë shtetasve të Kosovës që hyjnë në Kosovë përmes pikave kufitare, do t’u kërkohet çertifikata e vaksinimit apo testi PCR negativ jo më i vjetër se 48 orë.

Ndryshe, nëse nuk janë vaksinuar dhe nuk e kanë testin PCR, policia do të kërkojë karantimin e tyre 7-ditor.

Informatë shtesë lidhur me masat kundër COVID 19:

Të gjithë shtetasit e Republikës së Kosovës, që tentojnë të hyjnë në Republikën e Kosovës, përmes Pikave Kufitare, në rast të mungesës së certifikatës së vaksinimit, për t’ua mundësuar hyrjen, Policia do të kërkojë testin PCR negativ jo më të vjetër se 48 orë, apo të kërkojë karantinim për periudhë 7 ditore.