Mërgimtarëve, Kurti: Nga e hëna mund të merrni falas siguracionin e makinës!

Kryeministri Albin Kurti ka bërë të ditur sot se edhe këtë verë e përherë, Kosova i pret bashkatdhetarët krahë hapur e me zemrën plot.

Nga e hëna, tha ai përmes një postimi në rrjetin social Facebook, ata që vijnë me automjete do të marrin falas siguracionin e makinës me vlefshmëri një muaj, në cilëndo prej pikave kufitare hyrëse.

“Ju që do të vini me automjete, nga e hëna mund të merrni falas policën e sigurimit me vlefshmëri një muaj, në cilëndo prej pikave kufitare hyrëse,” tha Kryeministri i Kosovës, Albin Kurti, duke përfunduar:

“Mirë se vini në vendlindje! Pushime të këndshme!”