Mesazh babait të Zahos: Xhaxhi Edi Rama, kur të shkosh t’i blesh djalit tënd dhuratë…

Pjesë e protestave të fermerëve të luleshtrydhes sot në Kafaraj të Frakullit ishte dhe dy vajza të cilat në krah të prindërve gjithashtu kishin një mesazh për Kryeministrin Edi Rama.

“Xhaxhi Edi Rama kur të shkosh t’i blesh djalit tënd Zahos dhuratë për Vitin e Ri mendo edhe për të gjithë fëmijët dhe baballarët që nuk kanë lekë të blejnë dhurata,” tha njëra nga vogëlushet.

Ndryshe, përmbytjet e fundit kanë shkaktuar dëme të mëdha për fermerët e luleshtrydhes në Kafaraj të Njësisë Administrative, Frakull. Për këtë arsye ata sot kanë protestuar në autostradën Levan ‐Tepelenë ku shtrihen serat e fshatrave që tokat bujqësore i kanë të kthyera në sera me prodhim te luleshtrydhes.