Mesazh në SPAK, Berisha: Altin Dumani do quhet Altin Troplini!

Sot e tutje nga Dumani, do ta quajmë Altin Troplini, tha Kryetari i Partisë Demokratike, Sali Berisha, pas detyrim paraqitje në SPAK, duke theksuar se  kjo zyrë shteti që paguhet me rrogat më të larta në gadishullin e Ballkanit, paguhet me 7 mijë euro personin nga prokurorët për meritën e veçantë se komunikojnë dhe bëjnë pazare me kriminelët, do të shpallet seksion i kartelit Troplini.

“Do të shpallet seksion i kartelit më të fuqishëm të drogës në Europë, karteli i vetëm që administron portin kryesor të vendit, portin e Durrësit.

Ndaj dhe në shënimin që i lashë Altin Troplinit, e informova se sot e tutje nga Dumani, do ta quajmë Altin Troplini,” tha Sali Berisha pas daljes nga Prokuroria e Posaçme duke e shoqëruar me arsye të forta ligjore.

“Ky bashkëpunëtor i kartelit më të rrezikshëm, më të fuqishëm të Europës, mbajti në zyrën e tij 22 ditë vendimin e gjykatës për arrestin e Xhevdet Troplinit, Elvis Doçit apo Pojës, sepse Poja quhet në fakt ky kartel droge.”

Por, kur mbahet 22 ditë urdhërarresti vetëm për të mos u goditur, tha Kryetari i PD, për të përmbushur misionin për të sjellë në parlament Arkend Ballën, Drazhin dhe të tjerë, besoj nuk duhet të bëhet fjalë për goditje, por bëhet fjalë për mosgoditje.

“Ata ushtarët e tyre që janë kapur, ata Troplinët, Xhevdeti, Elvisi, ka edhe ndonjë tjetër që është në hije, por do dalë edhe ai se kush është, ata pa diskutim që u njoftuan dhe u larguan.

Nuk mund të them se u njoftuan nga gjykata, për arsye se gjykata i dorëzoi këtu me datën 30 prill. Ata kanë qenë gjer me datën 11 maj që të gjithë në terror elektoral në Durrës,” tha Kryetari i Partisë Demokratike, Sali Berisha, duke përfunduar:

“Askush nuk mund të mohojë këtë akt të shëmtuar të Altin Dumanit, këtë bashkëpunim të ngushtë me kartelin Troplini.”

Fjala e plotë:

Të dashur qytetarë dhe qytetare, kjo zyrë shteti që paguhet me rrogat më të larta në gadishullin e Ballkanit, paguhet me 7 mijë euro personin nga prokurorët për meritën e veçantë se komunikojnë dhe bëjnë pazare me kriminelët, do të shpallet seksion i kartelit Troplini.

Do të shpallet seksion i kartelit më të fuqishëm të drogës në Europë, karteli i vetëm që administron portin kryesor të vendit, portin e Durrësit.

Ndaj dhe në shënimin që i lashë Altin Troplinit, e informova se sot e tutje nga Dumani, do ta quajmë Altin Troplini.

Kjo për arsye të forta ligjore sepse ky bashkëpunëtor i kartelit më të rrezikshëm, më të fuqishëm të Europës, mbajti në zyrën e tij 22 ditë vendimin e gjykatës për arrestin e Xhevdet Troplinit, Elvis Doçit apo Pojës, sepse Poja quhet në fakt ky kartel droge.

Dhe jo vetëm e mbajti 22 ditë, por e çoi për ekzekutim pasi Xhevdeti dhe Elvisi kishin mbërritur në destinacionet që kishin zgjedhur dhe të lirë sot, duke kontrolluar nga vendndodhjet e tyre përsëri në çdo metër katror portin e Durrësit dhe trarikun e kokainës.

Ndaj dhe unë i lashë këtë shënim: Me mbajtjen për 22 ditë të fletëarrestit të gjykatës për bosët e kartelit më të madh në Europë të drogës, kartelit Troplini, Altin Dumani do regjistrohet si bashkëpunëtor kryesor i këtij karteli dhe do ndryshojë mbiemrin e tij nga Dumani në Altin Troplini.

Tani, për të kuptuar shkallën se kush janë institucionet e Edi Ramës për drejtësinë, ja cilët janë pra.

Këta janë shërbëtorë që nuk kanë ligj as moral, të cilët natyrisht nuk them për të gjithë, por Dumani me disa tipa të tjerë këtu, të cilët bëjnë pazare me Ramën dhe krimin çdo ditë.

Por çështja e dytë që desha të paraqes me dokumente është Irena me 5 mbiemra, fytyra e vërtetë e sistemit të ri gjyqësor, kryetarja e gjykatës speciale. Kryetarja mbetet kryetare nderi.

Ajo ka kontratën më të çuditshme në Shqipëri, në rajon dhe në Europë.

Dhe kjo kontratë është pranuar si dokument zyrtar megjithëse nuk ka asnjë noterizim.

Kjo kontratë e panoterizuar është pranuar si dokument zyrtar nga vetorët e Edi Ramës, për të justifikuar paratë e saj të krimit dhe për ta mbajtur në shërbim.

Kontratë qiraje e lidhur në Fier sot me datën 13 shkurt 1996 në palët kontraktuese shkruajnë në kontratën e poshtëshënuar.

Kjo kontratë, dëgjojeni tani se kjo turpëron edhe shtetin e gomarit, por paraja denigron njerëzit në atë shkallë sa i transformon, kjo kontratë hartohet në pajtim me nenet 801 dhe 825 të Kodit Civil.

Miq, Kodi Civil i miratuar në vitin 1994 ka pasur gjithsej 280 e ca nene.

Ja ku e keni Kodin Civil.

Kodi Civil i miratuar pak vite më parë është me 800 apo me 1000 nene.

Pra, Irena me 5 mbiemra, shikoni se çfarë mostrash njerëzore janë këta, paraqet një kontratë të firmosur në vitin 1996 dhe të lidhur sipas një Kodi Civil të miratuar në vitin 2015.

Po a ka gjë më të turpshme se kjo?

Kontrata është pa noter.

Por kjo kontratë false është pranuar nga vetorët e Edi Ramës si dokument i vërtetë.

Dhe prisni, ka akoma më shumë.

Megjithëse ata u janë drejtuar tatimeve të Fierit, a ekzistojnë dokumente për këtë shumë prej 60 milionë lekësh para të pista të Irenës me 5 mbiemra, para krimi, që mashtron, tatimet i thonë se nuk ka gjurmë, as nam as nishan të këtyre parave.

Prisni. Çfarë bëjnë vetorët me 5 mbiemra?

Vetorët me 5 mbiemra e pranojnë dhe i thonë Irenës me 5 mbiemra, shko dhe paguaj tatimet që nuk i ke paguar në vitin 1996 për 60 milionë lekë.

Ka shtet më të pafytyrë, ka pafytyrësi më të madhe se kjo?

Pra, vetorët pranojnë një dokument falso për të cilin ajo duhet të shkojë atje ku e ka vendin.

Vetorët i kërkojnë të paguajë edhe taksën.

Vetorët bëhen bashkëautorë në krimin e Irenës me 5 mbiemra.

Tani, Irena me 5 mbiemra prej 15 muajsh mbrohet nga Altin Troplini, nga Olsi Çela, edhe ky me ca probleme, dhe Ulsiu, i cili fut dokumentet në çantën Louis Vuitton, aty ku ka futur edhe 500 mijë eurot që ka kërkuar si ryshfet.

Prej 15 muajsh Irena tallet me ta, i poshtëron, tregon se këta nuk kanë asgjë të përbashkët me një zyrtar dhe nuk guxojnë për shkak të keqpërdorimit të saj dhe shërbimeve që u ka kryer, t’u tregojë vendin.

Të dhënat e fundit janë këto, KLGJ, që duhej të vepronte brenda 15 ditëve në bazë të vulës apostile që ka në dorë, përpiqet ta transferojë tek prokurori i përgjithshëm, kurse ky i fundit tek Ulsiu.

Ulsi, që bën kërkesa të drejtuara në mënyrë të atillë që të fshihet krimi i Irenës me 5 mbiemra.

Pra, kjo është e vërteta e zyrave të narkoshtetit.

Sado që të përpiqet kush të fshehë fytyrën e narkoshtetit, me asgjë nuk mund ta fshehë.

Dëgjoni zotërinj, një gjykatës që drejtoi Gjykatën Kushtetuese, nga Altin Dumani u fut një vit në burg, bashkë me këtë Irenën, sepse pagoi për disa vite, ujin dhe dritat e apartamentit të vëllait të vet që e ka në emigracion.

Dhe pagesat që ka bërë Bashkim Dedja, janë konsideruar si dëshmi se apartamenti është i tij.

Pra, kjo është e vërteta.

Ky është karakteri amoral i kësaj bande, që meriton dhe do përballet një ditë me ligjin në mënyrë të pashmangshme.

Pyetje: Pak më herët ngritët dyshime për bashkëpunim të Spak me klanin e Troplinëve. Si e shpjegon i nga ana tjetër që klani i Troplinëve në 25 vjet goditet për herë të parë nga Spak dhe asnjë institucion tjetër nuk e kishte goditur më herët?

Berisha: Kjo nuk qëndron.

Ata kanë marrë dënime dhe penalizime qoftë në Shqipëri, qoftë në Itali.

Por, klani Troplini u transformua në kartel droge këto vite.

Pse? Sepse nga viti 2020, klanit Troplini iu dhurua porti i Durrësit.

Që në këtë moment u bë i vetmi klan me port në dispozicion dhe këtë e di çdo njeri dhe këtë e kemi denoncuar me dhjetëra herë.

Kaq i fortë u bë ky kartel sa ndodhi për rastësi një moment që u kap një kamion plot me drogë në Durrës.

Kamioni në vend se të bllokohej, shkoi në rezidencën e Troplinëve, u shkarkua droga dhe u rikthye në Durrës. Kjo është me dokumente.

Ky nuk është i vetmi kartel. Kartel është ‘Hakmarrja për drejtësi’ me Xibrakën. Ata që bënë Xibrakën, ata trgegojnë se janë kartel.

Kartel ësjhtë Suel Çela pasi kontrollon autostradën e drogës për në Europë.

Kartel janë Bajrët sepse janë me lidhjet nga më të shumtat.

Por këto janë kartelet kryesore.

Por po të vësh re ti, kur mbahet 22 ditë urdhërarresti vetëm për të mos u goditur, për të përmbushur misionin për të sjellë në parlament Arkend Ballën, Drazhin dhe të tjerë, besoj nuk duhet të bëhet fjalë për goditje, por bëhet fjalë për mosgoditje.

Ata ushtarët e tyre që janë kapur, ata Troplinët, Xhevdeti, Elvisi, ka edhe ndonjë tjetër që është në hije, por do dalë edhe ai se kush është, ata pa diskutim që u njoftuan dhe u larguan.

Nuk mund të them se u njoftuan nga gjykata, për arsye se gjykata i dorëzoi këtu me datën 30 prill.

Ata kanë qenë gjer me datën 11 maj që të gjithë në terror elektoral në Durrës.

Askush nuk mund të mohojë këtë akt të shëmtuar të Altin Dumanit, këtë bashkëpunim të ngushtë me kartelin Troplini.

Pyetje: CCfarë do të kishte ndryshuar për PD z.Berisha nëse ky klan do të ishte goditur më herët, pra përpara zgjedhjeve?

Berisha: Ky klan është vetë pushteti i mafies. Nuk e godisnin dot këta. Nuk e goditën, kapën disa ushtarë, por as Xhevdeti dhe as Elvisi nuk u goditën.

Ju e dini kush janë kryesorët aty. Edhe sot i kanë, Trodo kafetë, lojërat e fatit në Durrës janë të tyret, por ky nuk guxon se duket e kanë paguar mirë, të vendosë sekuestro.

Ky nuk vendos sekuestro mbi hotelin Rock of Kavaja me 11 kate mbi tokë dhe 3 nën tokë.

Pyetje: A do të na e thuash emrin e bosit në hije?

Berisha: Për emrin e bosit në hije ne po hetojmë, sepse këta janë perandori pasurish, pronash. Dhe ne po bëjmë një hetim me ato mundësi të pakta që kemi.

Por kjo ka shumë mundësi. Megjithëse mjaftojnë lejet e ndërtimit që kanë marrë, qoftë Troplini, qoftë Altin Hajri, i cili këto 2-3 vitet e fundit është rreshtuar me Troplinët, sepse Troplinët janë më të fuqishëm de facto. Edhe në vendet më të fuqishme, ata janë.

Pyetje: Doktor folët për masa sigurie njoftim, Spak i ka dorëzuar më përpara se sa gjykata të nxjerrë një vendim. Për Xhevdet Troplinin, nuk ka as kërkesë as masë sigurie.

Berisha: Sigurisht as nuk mund të ketë masë për Xhevdet Troplinin se mbrohet nga narkoshteti.

Nuk mund të ketë pikërisht se mbrohet nga narkoshteti.

Por, njeri në Shqipëri, në Durrës, në Tiranë, që nuk e di se Xhevdeti është kreu i kartelit, kjo nuk ka dyshim.

Kjo është sikur të thuash për El Çapon nuk ka urdhër arresti.

Edhe më keq!

Unë dëgjoj vetëm avoketërit dhe kjo është e gjitha ccfarë mund t’ju them. Dhe është e vvërtetë, e kam faktuar këtë.