Mesazh partive, Ambasada e SHBA: Qytetarët e Kosovës të zgjedhin përfaqësuesit e tyre me zgjedhje të lira!

Pas vendimit të Gjykatës Kushtetuese për rrëzimin e Qeverisë, ka reaguar Ambasada e SHBA në Kosovë duke i bërë thirrje partive politike që ta respektojnë këtë vendim dhe të sigurojnë që qytetarët e Kosovës të kenë mundësinë të zgjedhin përfaqësuesit e tyre përmes zgjedhjeve të lira.

“Shtetet e Bashkuara u bëjnë thirrje të gjitha partive politike dhe institucioneve në Kosovë të respektojnë vendimet e Gjykatës Kushtetuese,” thekson Ambasada amerikane në reagimin e saj tashmë kur pritet që brenda 40 ditëve të ekmi dhe zgjedhje parlamentare ndërsa përfundon:

“Të sigurohen qytetarët e Kosovës të kenë mundësinë të zgjedhin përfaqësuesit e tyre përmes zgjedhjeve të lira, të drejta dhe paqësore.”