Mesazh për Edi Ramën/ Ambasada e SHBA: Çdokush të jetë i barabartë përpara ligjit!
Në 3 vjetorin e Reformës në Drejtësi, kur vendi është pa Gjykatë Kushtetuese dhe Gjykatë të Lartë, kur vendimet e Gjykatave që janë në shërbim të qytetarëve japin vendime në vartësi të procesit të vettingut, dhe opozita akuzon Edi Ramën se ka kapur Drejtësinë, Ambasada e SHBA në Tiranë përmes një videomesazhi i jep përgjigje opozitës por i bënë të qartë edhe Kryeministrit Edi Rama se reforma në drejtësi do të sigurojë që çdokush të jetë i barabartë përpara ligjit:
“Çfarë është reforma në drejtësi? Si po zbatohet? Si do të ndikojë në jetën tënde dhe në jetët e shqiptarëve? Sot, në 3 vjetorin e miratimit të reformës në drejtësi, shihni këtë video të thjeshtë për të mësuar se si reforma në drejtësi do të sigurojë që çdokush të jetë i barabartë përpara ligjit,” thekson në mesazhin e saj Ambasada e SHBA duke e shoqëruar me video:
Ndryshe, ky mesazh i qartë dhe inkurajues i Ambasadës së SHBA vjen në kohën kur qytetarët e zhgënjyer nga protagonistët politikë dhe procesi i Reformës në Drejtësi kanë filluar ta kërkojnë gjyqësorin që kishin, atë tek i cili në fillimet e Reformës nuk kishin fare besim.
