Mesazh Ramës dhe klientëve, Basha: Me paratë që po vidhni, jeni duke blerë burgun!

Duke denoncuar modelin e vjedhjes nga Edi Rama me fryrjen e kostove të tenderave dhe koncesioneve, duke ndarë më pas së bashku milionat mbi kosto, si dhe aferën mafioze me faturimin elektronik të bizneseve, Kryetari i Partisë Demokratike, Lulzim Basha, kishte një mesazh për qeverinë dhe klientët e korrupsionit: “Me paratë që po vidhni, nuk jeni duke blerë mirëqneie dhe luks, por jeni duke blerë burgun!”

“Para një muaj denoncova qasjen e fundit të grabitjes së pasurive dhe parave publike të shqiptarëve nga Edi Rama. Modeli i tij është një model tipik i regjimeve të korruptuara në botë: Fry koston e projekteve publike, merr mbrapsht nga klientët paratë mbi kosto. Në anglisht këto quhen skema KICK-BACK,” tha Lulzim Basha sot në një dalje publike duke shtuar se të gjitha koncesionet e Edi Ramës janë të tilla: Fry koston deri disa herë, jepua tenderin klientëve , pastaj ndaj me klientët paratë mbi kosto.

“Kjo shpjegon se pse rrugët që do të ndërtohen në Shqipëri kushtojnë disa herë më shumë se ato në Europën perëndimore edhe pse me cilësi shumë më të dobët. Kjo shpjegon se pse 600 metra bulevard nga Sheshi Skënderbej tek Stacioni i Trenit do të kushtojë shqiptarëve mbi 5 milionë euro. Nuk bën më shumë se 1 milionë euro. 4 milionë euro do të ndahet mes Fushës dhe Edi Ramës. Kjo shpjegon pse rruga Milot-Balldren vetëm 17 kilometra do t’u kushtojë shqiptarëve 256 milionë euro.”

Duke përshëndetur vendimin e Presidentit të Republikës për të kthyer ligjin e këtij koncesioni, lideri i opozitës tha se sipas burimeve zyrtare kosto u rrit artificialisht me mbi 50 milionë euro.

“Rritja faktike e kostos është afro 150 milionë euro pra 3 fish. Ky është Kick-back I Milot Balldre, përfitimi që do të ndajë Edi Rama me oligarkun. Studimi i fizibiliteti të vetë qeverisë ka treguar se në fakt kotsoja e rrugës Thumanë – Kashar është fryrë me 100 milionë euro. Në fakt është mbi 220 milionë euro. Ky është ryshfeti i Thumanë-Kashar. Modeli i fryrjes së kostos tregon pse rruga Dukat Orikum me një korsi dhe vetëm 14 kilometra do të kushtojë 70 milionë euro, kur kostoja e saj nuk është më shumë se 20 milionë euro. 50 milionë euro do të dnahen midis Gjikurisë dhe Edi Ramës. Ky model — fry koston, dhe vidhi me klientët të gjitha paratë shtesë — është përdorur në çdo koncesion që ka dhënë Edi Rama”

Rasti më i fundit i kapjes së shtetit është kontrata për faturimin elektronik të bizneseve.

“Është një projekt nga i cili Edi Rama dhe klientët e tij kanë planifikaur të vjedhin nga bizneset me qindra miliona euro në vitet e ardhshme. Edi Rama bëri një ligj për të krijuar një sistem të ri, i cili i detyron bizneset të blejnë kasa të reja dhe programe të reja kompjuterike. Këto do të shiten nga klientët e tij. Aktualisht janë 140 mijë kasa në përdorim, secila duhet të zëvendësohet më një kompjutet Ipad dhe progam të ri që do të ksuhtojnë të paktën 250 euro hardware që do të thotë mbi 30 milionë euro nga bizneset dhe 50-100 euro në vit progami kompjuterik dhe mirëmbajtja që i bie deri 14 milonë euro çdo vit.”

Në 10 vjet, tha ai, bëhet fjalë për deri 170 milionë euro që do të përfitohen nga Edi Rama dhe klientët e tij:

“Do zhvaten bizneset që të vjedhë Edi Rama. Tenderi i bërë për të krijuar këtë sistem ka qenë një tendër tërësisht i korruptuar i sajuar, me të cilin do vidhen menjëherë mbi 10 milionë euro. Tenderi u vodh direkt nga Edi Rama.”

Kryetari i Partisë Demokratike tha me këtë rast se kanë fakte se Edi Rama është takaur në zyrën e tij me biznesmenët kroatë dhe dy kompani shqiptare, para se të bëhej tenderi.

“Pasi tenderi fallco mbaroi, kompania shqiptare Jehona u shit për 250 mijë euro tek një bzinesmen i hetuar për pastrim aprash në kroaci: përmes këtij biznesmeni Edi Rama do të marrë paratë e vjedhura të pastruara në Kroaci. Është një skemë e sajuar në cdo detaj për të vjedhur: imponimi i panevojshëm me ligj i një sistemi të ri faturimi për bizneset, fryrja e ksotos dhe vjedhja e tenderit për të ndërtuar këtë sistemin të ri, detyrimin e bizneseve për të blerë pajisjet dhe programin e ri kompjuterik tek klientët e vet. “

Dhe jo vetëm kaq! Basha ka një mesazh të qartë për qeverinë dhe klientët e korrupsionit:

“Tashmë është e qartë për çdo shqiptar se: Edi Rama jeton për të vjedhur Edi Rama qeveris për të vjedhur Edi Rama merr frymë vetëm për të vjedhur. Çdo ditë çohet me një qëllim: si të vjedhë. Pavarësisht kërdisë që ai po bën, askush nuk do t’i gëzojë paratë e vjedhura.”

Duke e përsëritur nismën e bërë publike një ditë më parë se PD do të fillojë menjëherë një hetim penal dhe auditim finaciar të të gjitha kontratave, koncesioneve dhe lejeve të dhëna nga qeveria Rama, ai dhe Kryeministri dhe klientët e tij janë duke e blerë burgun:

“Do të gjurmohet çdo burim parash dhe çdo individ shtetëror dhe privat i përfshirë në këto kontrata. Ne do të kemi një program të posaçëm për rikuperimin e të gjitha pasurive dhe parave të vjedhura nga zyrtarët shtetërore dhe klientët e tyre. Dua t’u them qartë të gjithë zyrtarëve dhe klientëve të tyre: Me paratë që po vidhni nuk jeni duke blerë mirëqneie dhe luks, por jeni duke blerë burgun.”

Ndërkohë për arkitektët e veprave të korrupsionit të Ramës tek Teatri, kasat fiskale, Akademia e Arteve ai garantoi padi penale:

“Brenda javës së parë të shtatorit, opozita do të padisë në prokurorinë shqiptare dhe në atë daneze, arkitektin danez të Teatrit Kombëtar Bjarke Ingels dhe kompaninë e tij BIG, Po bëhen përgatitje për të bërë të njëjtat hapa, me mundësitë që kemi në opozitë, kur të jemi në qeveri, do të kemi të tjera mundësi, edhe përsa i përket mafiozëve kroatë të Ramës me kasat fiskale.”

Gjithashtu, i njëjti veprim do të bëhet edhe përsa i përket një tjetër shkatërrimi i një tjetër vepre, nëpërmjet mikut të Edi Ramës, Casamonti, që mesa duket do të marrë përsipër veprën korruptive tek sheshi Nënë Tereza.

E pashmangshme ishte çështja e zgjedhjeve vendore, ku përkundër thashethemeve se është përçar, Lulzim Basha garantoi me këtë rast se Opozita e Bashkuar është për zgjedhje të lira e të ndershme pa Edi Ramën; Dhe, 13 Tetori është e vetmja datë kushtetuese, e KQZ do të mbajë përgjegjësi penale

“Nuk ka asnjë përçarje në gjirin e opozitës. Qendrimi ynë është i qartë. 13 tetori është e vetmja datë kushtetuese e zgjedhjeve në Shqipëri. KQZ dhe të gjitha institucionet e tjera duhet të zbatonin dekretin e presidentit. Moszbatimi i ngarkon ato me përgjegjësi ligjore dhe penale. Të gjithë do të vihen përballë përgjegjësisë ligjore dhe penale. Zgjidhja mund të vonojë, por nuk do të mungojë momenti, kur ata do të vihen përpara përgjegjësisë ligjore dhe penale.”

Por duhet të dallojmë të drejtën e partive politike për të mbajtur qendrimet e tyre politike në raport me çdo proces, dhe shtetin e së drejtës, detyrimet kushtetuese dhe ligjore të KQZ dhe institucioenve të tjera, tha lideri i opozitës duke e bërë të qartë:

“Vendimet partiake për të hyrë apo jo në zgjedhje janë vendime partiake. Vendimet për të hyrë apo jo nuk shkelin as kushtetutën e as ligjin, pavarësisht prej ndikimeve që ai mund të ketë. Kur institucionet kushteutese shkelin kushtetutën dhe ligjin, ata duhet të mbajnë përgjegjësi.”

Vendimi i opozitës për të mos hyrë në zgjedhjet e 30 qershorit, tha Basha edhe me këtë rast se ishte një vendim unanim.

“Disa parti kanë bërë kërkesë për t’u regjistruar në zgjedhje, në mënyrë që të detyronin KQZ të mos marrë qendrime antikushtetuese e antiligjore. Presidenti po përpiqet në mënyrë altive në zgjidhjen e krizës. Thelbi i qendrimit të presidentit është i njëjtë me qendrimin e Partisë Demokratike dhe aleatëve tanë, që ne kërkojmë të vijmë në pushtet me zgjedhje. Qendrimi ynë ndaj zgjedhjeve të organizuara nga Edi Rama ka qenë i qartë, transparent, i argumentuar dhe tashmë I faktuar.”

Në fund, u pyet për SPAK-un. Jo, si do të funksionoj apo besueshmëria, por a ka frikë nga SPAK-u?! Kryetari i Partisë Demokratike, Lulzim Basha, ishte i prerë se mungesa e SPAK-ut është një nga veprat më të mëdha tinëzare të Edi Ramës.

“Partia Demokratike ka votuar ligjin për SPAK –un dhe BKH-në, pikërisht sepse amendamentet tona u morën parasysh, ndërkohë që në 6 ligje të tjera ato nuk u morën parasysh dhe kanë çuar në kapjen totale të drejtësisë. Ndaj e kam thënë dhe e përsëris, kur them se kjo krizë do të mbarojë me standarde, norma dhe parime europiane, e kam thënë dhe e përsëris, do të mbarojë me politikanë me pranga në duar. Në qoftë se mbaron me pandëshkueshmëri do ti hapë rrugën një krize tjetër. ata që kanë vjedhur votat e shqiptarëve, ata që kanë vënë dorë mbi pasuritë e shqiptarëve do të shkojnë të gjithë para drejtësisë, nga i pari tek i fundit, pa përjashtim.”