Mesazh Ramës dhe Kryetarit nënkryetar që emëroi, Berisha: PD kurrë nuk do të mposhtet!

Kryetari i PD, Sali Berisha, sot duke dënuar sulmet e Kryeministrit Edi Rama që i bënë Partisë Demokratike, i bëri të qartë si atij ashtu dhe Lulzim Bravës e Kryetarit nënkryetar që e emëroi, se krimi kurrë nuk do ta mposhtë këtë parti.

Ndërkohë Kryetari i Partisë Demokratike në konferencëne e përjavshme foli dhe për një entuziazëm dhe optimizëm të madh për fitoren e opozitës më 14 maj, me të cilin po përballet gjatë turit të tij në prezantimin e kandidatëve për Kryetar Bashkie.

“Ka një entuziazëm dhe optimizëm të madh për fitoren e opozitës më 14 maj.

Kudo që shkoj, unë kam bërë takimet më entuziaste, siç i keni konstatuar vetë, në Korçë, Pogradec, Belsh, në Mirditë, në të gjitha zonat kam paraqitur kandidatë me një shkallë të lartë pëlqyeshmërie. Sot jam në Vlorë, dje isha në Lushnje.

Pra, pranvera do të jetë pranvera e fitores. Ndonëse këto janë zgjedhje lokale, kjo do jetë pranverë e fitores mbi monizmin.

Shpreh falënderimin për qytetarët për revoltën që shprehin ndaj makinacioneve të Edi Ramës me dy pengjet e tij.

Qytetarët shqiptarë po kuptojnë çdo ditë se cili është morali, cili është karakteri i atij që është sot kryeministër, që është shndërruar në turpin e Shqipërisë dhe botës.

Është shndërruar në një njeri të pashpresë, për të cilin mediat e botës po shprehin çdo ditë neverinë ndaj tij. Po e damkosin me epitete nga më të rëndat,” tha sot Sali Berisha në konferencën e përjavshme ndërsa e përsëriti se Basha dhe Alibeaj janë pengje të Ramës, gjë që e konfirmoi dhe vendimi i djeshëm i Komisionit të Ankimimeve dhe Sanksioneve, KAS.

“Të shpallësh kryetar atë që nuk është kryetar, do të thotë të pranosh të emëruarin e Edi Ramës.

Është shkelur çdo ligj dhe standard i këtij vendi apo i këtij narkoshteti.

Të pretendosh që Alibeaj, që nuk është votuar kurrë, nuk është emëruar kurrë, nuk është votuar në asnjë forum të partisë, që nuk guxon të votohet se nuk merr asnjë votë, që është shndërruar në peng të Ramës, është krytar i PD, këtë e bën vetëm Edi Rama.

Kjo do të thotë të kthehesh te opozita e emëruar.

Nuk ka asnjë vendim gjykate, që Alibeaj është kryetar partie. Ka një vendim gjykate, që Sali Berisha është kryetar partie. Por këtu nuk kanë rëndësi ligjet.

Këtu ka rëndësi tmerri shpirtëror që ka Edi Rama dhe mendon se përmes Alibashës dhe Alibravës mund të shpëtojë nga 14 maji.

Ky është një pseudoshtet. Detyrohet të shkruajë kryetar nënkryetar i autorizuar. Nuk ka, ka rregulla të prera statusore.

Është një vegël e kapur në krim nga Edi Rama dhe ky është problemi i tij.

Nuk ka lidhje me PD-në. Alibasha dhe Alibrava nuk kanë lidhje me PD-në. Janë të dy pengje të Edi Ramës dhe Edi Rama i përdor ata në mënyrën më të pamëshirshme,” tha Kryetari i Partisë Demokratike duke sqaruar sepse sot nuk u publikua Raporti për financiemt ruse të PD-së:

“Sot do paraqisnim raportin për financimet e PD-së. Por ai që do e paraqiste është në një konferencë.

Raporti qartëson se 700 mijë euro, asnjë qindarkë nuk ka hyrë në arkën e PD-së dhe nuk ka dalë nga arka e PD-së.

Është një aktivitet i paligjshëm, financim rus apo tjetër, nuk mund të them, por nëse e thotë raporti i CIA-s, nuk mund të vihet në diskutim. Basha është peng në krim.”