Mesazh SPAK-ut, Edi Rama: PPP i Sterilizimit, standard i ri sigurie për ndërhyrjet operatore!
Ndonëse askush nuk e ka kontestuar nevojën për një sterilizm me standarte moderne në spitalet publike shqiptare, sot kur bëhet publik raporti i Kontrollit të Lartë të Shtetit për vitin 2022 ku konstatohet se pajisjet mjekësore me defekt dhe mungesa e medikamenteve po cenojnë jetën e mijëra të sëmurëve me sëmundje tumorale në vendin tonë, Kryeministri Edi Rama parakalon në Spitalin Universitar “Shefqet Ndroqi” para ca instrumenteve kirurgjikale të historisë mjekësore për t’i thënë në fund shqiptarëve se falë koncesionit të sterilizimit është garantuar një standard i ri sigurie për ndërhyrjet operatore.
A i dinte të gjitha këto SPAK para se të fillonte me arrestimet rreth abuzimit me koncesionin e sterilizimit?! Sikur ta kishte merakun për koncesnionin e sterilizimit, Kryeministri Edi Rama mund të shkonte në SPAK dhe të sqaronte pse Ilir Beqja duhet të shpallet hero i rilindjes së mjekësisë shqiptare dhe jo ta “apelonte” publikisht hetimin e Prokurorisë së Posaçme, duke i thënë shqiptarëve se kush i shpëtoi ndërhyrjet operatore.
“Spitali Universitar ‘Shefqet Ndroqi’, në një nga 17 centralet e reja të krijuara falë PPP-së së sterilizimit, që kanë garantuar një standard krejt të ri sigurie për ndërhyrjet operatore, duke e kthyer njëherë e mirë faqen e turpit e të pasigurisë në sallat e operacioneve, duke ulur në minimum fenomenin e vjetër të infeksioneve post-operatore si pasojë e mungesës së sterilizimit të vërtetë, si edhe duke i kursyer shtetit dhjetëra miliona euro nga ulja e ditëve të qëndrimit në spitale pas operacioneve,” tha Edi Rama përmes rrjetit social Facebook shoqërua dhe me një video, duke folur për një sukses të këtij koncesioni, me të cilin u impenjua jashtë çdo logjike sapo filluan arrestimet e para ndërsa vazhdoi sot në prani të mjekëve që nuk morën guximin as ta hapin gojën.
“Hetimi i SPAK-ut për abuzime të mundshme në procesin e ndërtimit të këtij Partneriteti Publik Privat, nuk e cënon aspak suksesin e prekshëm të kësaj nisme madhore të qeverisë shqiptare për Rilindjen e Shëndetësisë, por siguron që askush të mos mbetet i pandëshkuar nëse ia bën me hile shtetit dhe popullit shqiptar, duke nxjerrë përfitime vetjake të paligjshme gjatë kryerjes së detyrës në punën për qëllimin e përbashkët.”
Ndryshe, nuk dihet nëse ky parakalim para historisë së instrumenteve kirurgjikale shqiptare ka për qëllim mbrojtjen e Ish-Ministrit të Shqëndetësisë, Iir Beqja, nga SPAK pas urdhërit që ka marrë nga gjykata për hetuar rolin e Beqjes në këtë aferë, por përdhunimi që i bëri sot mjekëve në Spitalin Universitar “Shefqet Ndroqi”, Kryeministri Edi Rama, është shumë më i rëndë se përdhunimi që i bënte arkitektëve në Spitalin e Traumës, ashtu siç e përkufizuan mjekët e këtij spitali ministrin e asaj kohe, “hajvani” Ilir Beqja, ku ri mësonte se ku duhet të vendoset recepsioni!
