Mesazh Suel Çelës, Flamur Noka nga Elbasani: Mos telefono komisionerët e PD. Po bën krim!

Elbasani nuk mbahet me dhunë, ishte mesazhi i Sekretarit të Përgjithshëm të Partisë Demokratike, Flamur Noka, drejtuar kryebanditit Suel Çela duke i thënë qartë të mbajë larg duart nga demokratët sepse nuk do të ketë qeli të errët që do të mbajë ty.

“Është një shumicë e cila mezi po pret datën 11 maj, për t’i dhënë një leksion barbarëve të pushtetit, për t’i dhënë një mesazh kusarëve të pushtetit, për t’i dhënë një mesazh edhe kryebanditit Suel Çela se Elbasani nuk mbahet me dhunë, se Elbasani nuk mbahet me banda dhe për t’i thënë: Larg duart nga demokratët. Larg duart Suel, se nuk do të ketë qeli të errët që do të mbajë ty. Ta harrosh ti se mund të kërcënosh demokratët,” tha Flamur Noka ndërsa për kërcënimet e tij në vijimësi e paralajmëroi:

“Mos tento të telefonosh as komisionerë dhe as demokratë sepse je duke bërë një krim më të shëmtuar se krimet që ke bërë. Partia Demokratike nuk do të ta falë atë që po bën. Je duke mbështetur një të ‘vdekur politik’. Je duke mbështetut një ‘kufomë politike’ ndaj po të them se Edi Rama, është në agoninë e tij politike. Do të vazhdosh edhe ti në atë drejtim me të.”

Në fund, duke i bërë të qartë Suel Çelës dhe shefit të tij Edi Rama, se nuk ka shans që demokratët e Elbasanit të bëjnë mbrapsht nga kërcënimet e bandave dhe të krimit të organizuar, Sekretari i Përgjithshëm i Partisë Demokratike, Flamur Noka, përfundon:

“Ne jemi të vendosur për të ecur drejt fitores më 11 maj. Asgjë nuk na ndal sepse ne kemi moralin. Morali ynë është morali i qytetarëve të thjeshtë. Morali ynë është morali i shqiptarit të ndershëm dhe I shqiptarit dinjitoz. Të gjithë në këmbë të vërshojmë drejt kutive të votimit, të votojmë Numrin 1, të votojmë Sali Berishën për të realizuar misionin e tij. Të votojmë Shqipërinë Madhështore. Fitore dhe vetëm fitore!”