Mesazhe për politikanë nga SkyECC, SPAK: Janë të pavërteta!

Pas publikimit të disa mesazheve që i kanë mbërritur politikanëve dhe figurave publike gjatë ditëve të fundit me pretendimin se rrjedhin nga transkripte bisedash të kryera nëpërmjet SKY/ECC, sot ka reaguar Prokuroria e Posaçme kundër Korrupsionit dhe Krimit të Organizuar, SPAK, duke theksuar bëhet fjalë për biseda të pavërteta.

“Nga verifikimet e deritanishme të Prokurorisë së Posaçme, mesazhet e pretenduara se rrjedhin nga transkripte bisedash të kryera nëpërmjet SKY/ECC janë manipuluar duke sajuar biseda të pavërteta për individë dhe veprime të kundërligjshme,” shprehet Prokuroria e Posaçme duek siguruar se po monitoron nga afër këtë situatë dhe ka nisur verifikimet për të identifikuar burimet e këtyre mesazheve me qëllim ndjekjen penale të autorëve ndërsa bënë thirrje të gjithë qytetarëve:

“Kujdes kur ndërveproni me mesazhe të kësaj natyre, si dhe të shmangni shpërndarjen e materialeve të paverifikuara.”

Reagimi:

Në përgjigje të interesimit të shtuar të mediave informojmë publikun se Prokuroria e Posaçme kundër Korrupsionit dhe Krimit të Organizuar është vënë në dijeni për disa mesazhe që i kanë mbërritur politikanëve dhe figurave publike gjatë ditëve të fundit përmes aplikacionit të koduar të komunikimit, Signal.

Nga verifikimet e deritanishme të Prokurorisë së Posaçme, mesazhet e pretenduara se rrjedhin nga transkripte bisedash të kryera nëpërmjet SKY/ECC janë manipuluar duke sajuar biseda të pavërteta për individë dhe veprime të kundërligjshme.

Prokuroria e Posaçme, po monitoron nga afër këtë situatë dhe ka nisur verifikimet për të identifikuar burimet e këtyre mesazheve me qëllim ndjekjen penale të autorëve.

I bëjmë thirrje të gjithë qytetarëve dhe aktorëve publikë të tregojnë kujdes kur ndërveprojnë me mesazhe të kësaj natyre, si dhe të shmangin shpërndarjen e materialeve të paverifikuara.