Mesazhi, “Anonymous Albania” sulmon faqen zyrtare të AMA: S’keni të drejtë të ndaloni lirinë e fjalës!

Në kohën kur pritet që Parlamenti me urdhër të Edi Ramës të votojë Paketën Antishpifje, hakerat e njohur shqiptar, “Anonymous Albania” kanë sulmuar faqen zyrtare të Autoriteti Mediave Audiovizive, AMA.

“Anonymous Albania” sqaron se kanë bllokuar faqen e AMA, pasi sipas tyre, ajo nuk ka të drejtë të ndaloj lirinë e fjalës.

Njoftim

Autoriteti Mediave Audiovizive (AMA) është sulmuar nga ne sepse AMA pretendon se ka të drejtën të mbyllë mediat edhe ti gjobisë ato. por AMA s’ka asnjë të drejtë të bllokoj faqet online në internet apo edhe të gjobisë ato.

AMA s’ka të drejtë të ndaloj lirin e fjalës, sepse Shqipëria është një shtet demokratik!

Autoriteti i Mediave Audiovizive (AMA) të tërhiqet nga kjo padrejtësi që po bën qeveria duke kërcënuar gazetarët. Anonymous Albania do të mbrojë lirin e fjalës dhe të drejtat e njeriut në shqipëri. #AnonAlb