Mesazhi, Berisha në SPAK: Kurrë nuk e shndërrojmë kushtetutën në DumanKushtetutë
Amnisti elektorale është krim i shëmtuar antikushtetues i Altin Dumanit, shërbëtorit të Edi Ramës, i cili në fakt ndaj dhe kërkon që të shndërrojë kushtetutën në DumanKushtetutë, tha Kryetari i Partisë Demokratike, Sali Berisha, para SOPAK-ut pasi përfundoi detyrimin ligjor “detyrim paraqitje” të caktuar nga GJKKO.
“Para se të paraqes para shqiptarëve një provë tronditëse që zbulon fytyrën e shëmtuar kriminale të eksponentëve të kësaj drejtësie të Edi Ramës, unë dua të informoj se lashë këtë shënim në zyrat e Skapit të partisë.
Amnisti elektorale është krim i shëmtuar antikushtetues i Altin Dumanit, shërbëtorit të Edi Ramës, i cili në fakt ndaj dhe kërkon që të shndërrojë kushtetutën në DumanKushtetutë. Kurrë.
Dhe firma e Sali Berishës,” tha Sali Berisha para Prokurorisë së Posaçme ku publikoi dëshmi për gjyqtaren Irena Gjokës e cila ka fshehë Vendimin e Gjykatës së Janinës e cila e ka dënuar me 3 muaj burg.
“Të dashur, qytetare dhe qytetarë shqiptarë.
Ju do të mësoni se, njeriu që kryesonte Gjykatën Speciale të shqiptarëve, ishte një delikuente e paftyrë, e pa moral, e pa karakter, e dënuar me burg në vendet fqinj, dhe përdorej si skllave nga Edi Rama dhe regjimi aktual.
Irena me 5 mbiemra, e përfolur për ryshfete gjysëm milionëshe, jo në një por në disa raste, rezulton se në vitin 2005 është dënuar nga kolegji penal i Janinës, me burg dhe gjobë.
Kjo monstër, në vend që të vuajë dënimet, është lartësuar në kryetaren e Gjykatës Speciale, nga Edi Rama, Taulant Balla dhe është keqpërdorur në shkallë ekstreme nga Altin Dumani.
Nga viti 2005, vit i dënimit të saj, të cilin e ka fshehur në kolektiv, bën të pavlefshme absolutisht çdo vendim të saj, në përputhje me vendimet e Gjykatës së Strasburgut.
Dokument zyrtar dhe me vulë dhe me firmë nga Gjykata e Janinës së Greqisë, që tregon se; Për këto arsye e dënon të pandehurën të shpallur fajtore me burgim 3 muaj dhe gjobë 1500 euro si dhe shpenzimet gjyqësore prej 73 eurosh.
Falsifikim pasaporte a vize, por është dënuar për falsifikim dhe është dënuar nga Kolegj Penal dhe jo administrativ.
Është turpi i turpit të Ulsi Manjës, të këtij ministri i cili në regjistrimet telefonike rezulton se përveç 500 mijë euro nga emigranti, i kërkon edhe çantë Luis Vuiton. Dhe emigranti i thotë, për kë e do atë çantë, e dua për zonjën thotë, jo, jo e dua në intimitet, por nuk po hyj në intimitete.”
Në fund, Kryetari i Partisë Demokratike bëri të ditur se ishte Departamenti i Shtetit të administratës Biden, që nuk donte që të publikohej ky Dokument që i merr fytyrën Reformës në Drejtësi:
“Pra, kjo Irena me 5 mbiemra, me 5 fytyra po asnjë njerëzore, kjo vesh togën e zezë të kryegjykatës së Tiranës për të mbuluar dënimin e saj penal, për të mbuluar falsifikimet e saj.
Kjo është Gjykata Speciale e Tiranës.
Dua të jem i sinqertë.
Dua të falënderoj autoritetet greke të cilat e bënë publik këtë dokument. Por dua të dënoj ndërhyrjen e bërë nga këto autoritete, nga administrata nga Departamenti i Shtetit të administratës Biden që ky dokument të mos shihte dritën se ja merr fytyrën reformës në drejtësi.
Ata kishin hallin e Sali Berishës dhe jo të reformës në drejtësi. Turp e mafie,” tha Kryetari i Partisë Demokratike, Sali Berisha, duke përfunduar:
“Ju garantoj se fatin e kësaj do të ketë pas zgjedhjeve, secili prej tyre që ka kryer dhe ka fshehur krime.
Secilin prej tyre, reforma do ti nxjerrë të gjithë ata që fshehin krime ne sistemin e drejtësisë.”
Ndryshe, pas “detyrimit të paraqitjes” në SPAK, Kryetari i Partisë Demokratike, Sali Berisha, ka vazhduar rrugën drejt Burrelit ku pritet të zhvillojë takimin përmbyllës të fushatës elektorale, për të vazhduar më pas drejt Bulqizës për një bashkëbisedim me minatorët ku dhe do të prezantojë Programin e Partisë Demokratike – Aleanca Shqipërinë Madhështore.
