Mesazhi i Ambasadës SHBA, Rama: Ku patë ju ndonjë mospërmbajtje nga policia!

Pasi vizitoi policët e plagosur gjatë protestave kundër vrasjes së 25-vjeçarit në Tiranë, ku një efektiv policie rrezikon që të humbasë dritën e syrit, Kryeministri Edi Rama tha se kjo lokuni nuk ka të bëjë me lirinë dhe demokracinë. Polici që qëlloi jashtë çdo kompetence ndaj të riut 25-vjeçar do të marrë dënimin e merituar, tha Edi Rama por ai nuk e kupton mesazhin e Ambasadës për përmbajtje të policisë kur ai nuk kishte parë ndonjë mospërmbajtje, madje policia sipas Kryeministrit ishte përtej përmbajtjes.

“Efektivi i policisë rrezikon të humbasë dritën e syrit, pranë prindërve, bashkëshortes, ndërkohë që një lukuni e dalë nga nuk e di se ku ka marrë përsipër të nxjerrë sytë e policëve të shtetit dhe ti fusë gishtat në sy publikut shqiptar, qytetarëve e familjeve shqiptare për çfarë, për pushtetin. nuk është absolutisht në asnjë rast, në asnjë mënyrë kjo lukuni e lidhur me asgjë që ka të bëjë me lirinë, me demokracinë, me drejtësinë dhe nuk ka asnjë lidhje dhe asgjë që ka të bëjë me dhimbjen dhe tronditje e qytetarisë shqiptare kur morën lajmin e humbjes tragjike të jetës së këtij djali 25-vjeçar nga reagimi disproporional i të drejtës për të përdorur forcë i një efektivi.

Sot efektivi ishte para trupit gjykues, e patë e dëgjuat. Madje nuk bëri asnjë përpikej për të ndërtuar asnjë alibi për atë që bëri. Ka të drejtë të ketë procesin e vet gjyqësor, dhe do të dënohet sipas ligjit. Ministri Lleshaj, tregoi moral, i cili dha një shembull fisnikërie. Pa pasur asnjë faj. Ato dhjetra, bëni mirë që ti shihni dhe ti evidentoni dhe të mos i evidentoni. Me dhjetra janë punonjës të policisë që kanë ardhur në spital. Këtu është një sa për një mijë që po humbet dritën e syve. Kush del në protestë ka të drejtën e zotit dhe të vetë që ka indinjuar të gjithë. Por nuk ka të drejtë që t’i prekë shtetit asnjë fike floku. Policia e shtetit nuk është një lokuni”, tha Rama.

Kryeministri Edi Rama i ka dalë në mbrojtje Policisë së Shtetit. Referuar deklaratës së Ambasada amerikane kërkoi përmbajtje nga policia, poro Edi Rama nuk kishte parë nga policia mospërmbajtje.

“Nuk e di se ku patë ju ndonjë mospërmbajtje. Policia ka qenë përtej përmbajtjes. Ka qenë në kushtet e pranimit të dhunës, a thua se doli të pranojë natën e parë që dakord ja ku jemi, na bini, na bëni se ndiejmë dhe ne peshën e dhimbjes suaj. Dakord por kjo nuk do të thotë që këtu u gjet sheshi për të bërë përshesh. Jo Ilir Meta dhe Sali Berisha, bashkë me Monikën dhe atë tjetrin, se ai tjetri ha përshesh dhe pret të bëhet dhëndër por nuk ka asnjë logjikë dhe asnjë mundësi që çfarë është ndërtuar me shumë mund dhe çfarë vazhdon të ndërtohet sot të kthehet përmbys nga ata dhe kushdo tjetër sepse ata dashkan të vijnë në pushtet. Një nga gjërat më të mira që është ndërtuar në këtë vend, pavarësisht se është ende në proces, është Policia e Shtetit dhe është institucioni më i respektuar sot në opinionin publik”, deklaroi Rama.

Dhe, ndonëse u krijua ideja se harroi opozitën për momentin, Kryeministri Edi Rama sërish drejtoi gishtin e akuzës mbi Presidentin e Republikës, Ilir Meta, dhe Ish-Kryeministrin Sali Berisha për protestën dhe dhunën.

“Ato dhjetërat bëni mirë në radhë të parë mos t’i flisni me dhjetëra por t’i numëroni. Ato plagosjet bëni mirë ti shikoni dhe evidentoni e mos ti zmadhoni. Me dhjetëra janë punonjësit e policisë që kanë ardhur në spital, është një sa për dhjetëra. Kush del në protestë ka gjithë të drejtën e Zotit dhe të drejtën e vet të manifestojë indinjatën e tij për një akt që ka indinjuar të gjithë por nuk ka të drejtë të prekë asnjë fije floku të askujt tjetër. Policia e Shtetit nuk është një lukuni njerëzisht të mbledhur me lekë dhe të nxitur dhe të orkestruar nga një Presidenti i Republikës që akoma se ka dënuar dhunën, akoma nuk është kujtuar t’i thotë një fjalë kësaj familjeje që rri këtu, babë e nënë me zemër dridhur për efektivin e policisë por del dhe një orë përpara lajmit se po i vjen fundit botës nga kjo lukuni dhe inkurajon lukuninë dhe vë gishtin mbi policinë.

Prova është kjo që sapo thashë. Prova janë fjalët e presidentit të Republikës që është nxitës dhe orkestruar, bashkë me atë tjetrin, ish-presidentin e Republikës që sot është krenar se ka vrarë njerëz, që i tregon shqiptarëve se dhuna është rruga për të bërë përpara në këtë vend dhe në këtë shoqëri. Prova janë ato pamje, dhe ata minorenë që janë të manipuluar dhe të abuzuar dhe patjetër të joshur dhe me para për të marrë rrugët dhe për të bërë ato që bëjnë pa qenë të vetëdijshëm për çfarë bëhet fjalë.

Për minorenët nuk mund të hyjmë në diskutim që ka ndonjë axhendë politike. Është e pandodhur që partia e presidentit të përdorë minorenët për të vënë nën hu e nën zjarr kryeqytetin. Këto janë gjëra që duhen vënë me radhë sipas peshës dhe sipas goditjes që i bëjnë qetësisë dhe sigurisë së njerëzve psikologjikisht dhe pastaj të flasim për ata që ankohen se përse policia reagon,” tha Kryeministri Edi Rama duke i dhënë sërish të drejt policisë:

“Policia ka qenë përtej kufijve të tolerancës, qoftë natën e parë, qoftë natën e djeshme. Policia si në të gjithë botën ka detyrën të reagojë në mënyrë proporcionale dhe as të tërhiqet dhe as të pranojë të goditet dhe të lërë dritën e syve këtu se duan disa të bëjnë shesh e përshesh bashkë në mes të Tiranës.”

Por përveç këtij mllefi opozitar të Kryeministrit Edi Rama dhe atij Anti-Rama të protestuesve të rinjë që nuk po ndalen, Ambasada e SHBA ka një deklaratë ndryshe, pasi Ambasadorja Yuri Kim takoi Kryeministrin Rama, Drejtorin e Policisë Veliu, Kryetarin e Partisë Demokratike Basha dhe Kryetaren e Lëvizjes Socialiste për Integrim Kryemadhi:

“Vdekja e Klodian Rashas është një tragjedi dhe ne i shprehim ngushëllimet më të thella familjes dhe miqve të tij.

Ambasadorja Kim bisedoi sot me Kryeministrin Rama, Drejtorin e Policisë Veliu, Kryetarin e Partisë Demokratike Basha dhe Kryetaren e Lëvizjes Socialiste për Integrim Kryemadhi, për të diskutuar mbi të drejtat e qytetarëve dhe përgjegjësitë e udhëheqësve.

Ajo nënvizoi se ata që janë në pushtet kanë përgjegjësinë të sigurojnë një hetim të plotë dhe transparent të incidentit, të ushtrojnë përmbajtje në mbrojtjen e sigurisë dhe pronës publike, si dhe të sigurojnë përgjegjësi në të gjitha rastet.

Në këtë drejtim, ne vërejmë se autoritetet kanë kapur oficerin në fjalë dhe kanë nisur hetimet.

Ata që kërkojnë të jenë në pushtet duhet të shfaqin aftësinë e tyre për të udhëhequr në një mënyrë të përgjegjshme, përfshirë edhe duke refuzuar dhunën. Ata që kanë qenë në pushtet më parë nuk duhet të bëjnë gabimet e së kaluarës, duke sugjeruar se dhuna është e pranueshme.

Ambasada e Shteteve të Bashkuara u bën thirrje të gjitha palëve të tregojnë përmbajtje, në përputhje me përgjegjësitë e tyre, në mënyrë që të drejtat e të gjithë qytetarëve shqiptarë të mbrohen, dhe që zërat e tyre, përfshirë atyre në protestë, të kenë mundësi të shprehen dhe të dëgjohen pa dhunë.”